السبت، سبتمبر 14، 2013

امتحان شفوى

مره طالب هندسة دخل امتحان شفوى فالدكتور بيسأله :
بتركب ايه وانت جاى الكليه الصبح ؟؟
...الطالب : بركب الاتوبيس
الدكتور قاله : حلو اوى .. لو الدنيا حر ف الاتوبيس هتعمل ايه ؟؟
الطالب : هفتح الشباك
...الدكتور : جميل ... احسبلى بقا كميه الهوا اللى داخل الاتوبيس وهو ماشى على سرعه 60 كيلومتر ف الثانيه
طبعا الواد معرفش والدكتور ...سقطه ف الماده ..
فهو خارج قابل واحد صاحبه فقاله على السؤال
ودخل للدكتور بعده
الدكتور للطالب التانى: بتيجى الكليه بايه الصبح ؟؟
الطالب : بعربيتى
الدكتور : طب لو عطلانه ؟؟
الطالب : بكلم صاحبى ييجى ياخدنى بعربيته
الدكتور : طب لو مش موجود؟؟
الطالب: بخلى بابا يوصلنى
الدكتور : طب لو وراه شغل
الطالب : بركب تاكسى وخلاص
الدكتور : طب لو ملقيتش تاكسيات ؟؟
الطالب: بركب الاتوبيس وامرى لله .. هو يسترها بقا من عنده
الدكتور : حلو اووووى .. لو الدنيا حر ف الاتوبيس هتعمل ايه ؟
الطالب : هقلع الجاكيت
الدكتور : طب لو حر اووووى ؟؟
الطالب : هفتح زراير القميص
الدكتور : طب لو حر جدا جدا
الطالب : هقلع القميص
الدكتور استغرب وقاله : طب لو نار جهنم حواليك هتعمل ايه ؟؟؟
الطالب : هقلع البنطلون
الدكتور : قاله طب لو مش قادر تستحمل وخلاص هيغم عليك وقدامك شباك ؟
الطالب : بص بقا انا ممكن اقلع ملط بس ما افتحش شباك الاتوبيٍس

الجمعة، مايو 31، 2013

العصفورة قالتلى

الأب: العصفورة قالتلى ان انت بتشرب حشيش

الابن: يعنى انت دلوقتى بتتكلم مع العصافير و المفروض ان انا اللى بشرب حشيش!!

الخميس، مايو 16، 2013

قائد قوى



خلال الحرب العالمية الثانية كان هناك قائد سفينة عسكرية معروف بحكمته. اتى اليه احد الجنود مرة وهم فوق السفينة وقال له سيدي هناك سفينة للعدو قادمة باتجاهنا. فقال بكل هدوء:حسنا احضر لي قميصي الاحمر
فلبسه وبدأ هو وجنوده تبادل اطلاق النار مع العدو حتى اغرقوا سفينة العدو وقتل كل من فيها!!!
بعد انتهاء المعركة سال الجندي قائده عن سر القميص الاحمر !!
فقال القائد: لقد خفت ان تصيبني جروح يسيل منها دمي فيراه جنودي ويصيبهم انتكاسة معنوية تسبب هزيمتنا ،، ولون القميص الاحمر سيستر تلك الدماء.
بعد ايام من الحادثة اتى مجموعة من الجنود لقائدهم مارينو واخبروه ان هناك عشر سفن للعدو تتجه نحوهم فقال لهم:
حسنا احضروا لي بنطالي ذو اللون البني

السبت، مايو 11، 2013

المية مسممة

واحد و مراته نايمين. سمع دوشة فالشارع فقام يشوف فيه ايه
واحد من الجيران قاله: الحق. بيقولوا مية الحنفية مسممة و اللى يشرب منها حيموت
مراته قامت على الدوشة و قالتله: فيه ايه يا حبيبى؟ ايه الدوشة دى؟؟
راح قفل الشباك بسرعة و قالها: مفيش يا حياتى. المية حتتقطع اسبوع
اشربى و نامى

ايه اخبار الدنيا معاك؟

مصرى بيسأل لبنانى: ايه اخبار الدنيا معاك؟
اللبنانى قاله: مفيش. بالنهار سايق هامر و بالليل جنبى قمر.
و انت ايه اخبار الدنيا معاك؟
المصرى قاله: مفيش. بالنهار سايق تريلا و بالليل جنبى غوريلا

الجمعة، مايو 10، 2013

انا فزت بجايزة مليون جنيه

واحد اتصل بمراته و قالها انا فزت بجايزة مليون جنيه...جهزى شنطتك بسرعة
قالتله: اخد معايا هدوم صيفى ولا شتوى؟؟
قالها: خدى معاكى اللى انتى عاوزاه
المهم ماشوفش خلقتك فى البيت لما ارجع

انتم مصابيح المستقبل

نظر المعلم الى التلاميذ
و قال لهم: انتم مصابيح المستقبل
نظر الطالب الى زميله فوجده مستغرقا فى النوم
فقال الطالب: استاذ
اللمبة اللى جمبى اتحرقت

ألش انجليزى

ألش انجليزى 

attack
... العيب و أزح .

miss you
... و سابوني لوحدي .

so what to
عليك يا بعيد .

old
قبل كده و محدش سمع الكلام .

under
ابن شداد .

unless
و الكتاب .

web cam
كيلو البطاطس النهارده.

as for
في اليد خيرا من ألف ع الشجره .

post
ايد امك النهارده.

the body
خلاط .

back car
و رشيده.

واحب اقولكم قبل ما امشي

tomorrow
بأي حاجه ؟

الأربعاء، مايو 01، 2013

سؤال برىء

عيل صغير بيقول لامه ليه خلفتينى اسود و خلفتى اخويا ابيض
قالتله يا خويا لو كنت اتكلت على ابوك لكنت طولت لابيض ولا اسود

عربية بوكس و محشش

عربية بوكس وقفه و محشش معدى 
الظابط بيقوله اركب 
المحشش قاله تسلم ياكبير البيت قريب

الثلاثاء، أبريل 30، 2013

زبون عنده كحة

صيدلى رايح يستلم من زميله الشفت بتاعه

لقى زبون مبينطقش و مش واقف على بعضه

فالصيدلى سأل زميله ماله الجدع ده؟

قاله ابدا عنده كحة و قرفنى من كتر كحته

قاله و عملت ايه؟ قاله اديته ملين للامساك

قاله ليه ماديتوش دواء للكحة؟

قاله كدة احسنله و لو راجل يبقى يكح

تيجى نرجع شباب تانى؟؟

مرة واحد عجوز بيقول لمراته العجوزة تيجى نرجع شباب تانى؟؟

قالتله خلاص روح استنانى فى المكان اللى اتقابلنا فيه اول مرة

راح قعد يستناها ساعة و اتنين و تلاتة و ماجتش

بعد ما روح لقاها بتعيط بيسألها ماجتيش ليه؟؟

قالتله ماما مارضيتش تنزلنى

الاثنين، أبريل 29، 2013

ليه الجراحين بيحطوا كمامة؟

واحد بيسأل صاحبه: هو ليه الجراحين بيحطوا كمامة على وشهم و هم بيعملوا أى عملية؟؟
قاله: عشان لو العملية فشلت ماحدش يعرفهم

بخيل فاتح صيدلية

 بخيل فاتح صيدلية. دخل عليه ابنه و قعد يبص على الشامبو
ابوه فهم انه نفسه فيه
راح واخد ابنه و حلقلوا زيرو
راح الولد البيت يشتكى لمامته
قالتله: كويث انك مثوفتث معجون الثنان

محشش خالته خلفت ولد

محشش خالته خلفت ولد من غير ودان
امه قالتله: روح بارك لخالتك بس اياك تجيب اى سيرة عن موضوع ان ابنها من غير ودان عشان مشاعرها
قالها: ماشى
راح المحشش و سلم على خالته و بارك لها
و قالها: اهم حاجة تكتروا من عصير الجزر
خالته قالتله باستغراب: ليه؟!!
قالها: عشان نظره ما يضعفش
قالتله: مش مشكلة نبقى نلبسه نضارة
قالها:  أيوة المشكلة هنا بقى هيعلق النضارة علي ايه؟

الأحد، أبريل 28، 2013

ايه أبعد قارة عن مصر

أستاذ بيسأل طلابه : ايه أبعد قارة عن مصر؟؟

رد طالب قالوا : أفريقيا !!

الأستاذ : أفريقيا !!! ازاى ده

الطالب : سمعت واحد زمالكاوى بيقول " قادمون يا أفريقيا " من عشر سنين ولحد النهارده موصلوش !!

الأحد، أبريل 21، 2013

مطلعة رخصة سواقة جديدة


واحدة لسة مطلعة رخصة سواقة جديدة وكانت راجعة البيت بالعربية اتصل جوزها بيها وقالها خلى بالك بيقولو فى الراديو ان فيه عربية على الطريق ماشية معاكس قالت له هى عربية واحدة بس اللى ماشية معاكس دى كل العربيات ماشية معاكس

الثلاثاء، أبريل 16، 2013

سلحفاة دخلت مطعم

سلحفاة دخلت مطعم
،قالها الجرسون : ما بننزلش طلبات للسلاحف !
وراح واخذها و رماها برا
بعد شهرين ، رجعت السلحفاة و قالتلو : متزقش

الأربعاء، أبريل 10، 2013

ندل ندل

واحد ندل قعد سنة يتحايل علىحبيبته علشان تخرج معاه ، ولما وافقت راح قال لأبوها 



الثلاثاء، أبريل 09، 2013

أصلع

مرة ولد بيسأل أمه هو ليه بابا أصلع؟ فقالت له هذا دليل علي الذكاء الشديد فقال إذا فلماذا أنت كثيرة الشعر؟ 

يستاهل

مرة واحد بقول لواحد صاحبه:الحق التعبان دخل اودة حماتك قاله سيبه يستاهل 

خمسة صعايدة

كان في خمسة صعايدة سموا حالهون الشجعان الثلاثة

الاثنين، أبريل 08، 2013

هزار

واحدة صعيدية رماها زوجها من الدور الثالت طلعتله وقالتله بلاش الهزار البايخ ده 

نايم جنب مراته

واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه 

جنازة عمّ محروس

تنين مساطيل قاعدين يحششوا
فمرت جنازة فواحد بيقول للتاني هي جنازة مين دي يا مدحت؟ 
فرد علية دي جنازة عمّ محروس فقال الاولانى الله يرحمه ، 
وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ 
فرد عليه دي جنازة عمّ محروس فقال الله برحمه ، 
وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ 
قاله دي جنازة عمّ محروس فقاله: هي الدنيا ملطشة معاه كدة لية 

الأحد، أبريل 07، 2013

بخيل ابوه مات

مره واحد بخيل ابوه مات عيط عليه بعين واحده 

الحموات

مرة مجموعة ستات راحوا رحلة ركبت الحموات في أتوبيس ومراتات ولادهم في أتوبيس 
أتوبيس الحموات عمل حادثة و اتقلب ففي واحد ة
قعدت تعيط سالوها ليه بس كده
 فقالت اصلي نسيت حماتي في البيت المرة دي

جهاز كشف الكدب

حد جاب جهاز كشف الكدب اللى بيكدب الجهاز بيضربه بالالم 
حب يجرب الجهاز على ابنه فنداه و قاله كنت بتعمل ايه يا ابنى قاله كنت بذاكر 
راح الجهاز ضربه بالالم ابوه قاله كده عيب يابنى و انا فى سنك كده عمرى ما كذبت راح الجهاز ضرب الاب بالالم
مراته قالتله خلاص سامحه مهو برضه ابنك راح الجهاز نزل فيها تلطيش

السبت، أبريل 06، 2013

مراته مفترية

مرة واحد مراته مفترية
فبتقوله نفسك تكون ايه يا حبيبى ؟
قالها نفسى اكون ازازة ريحه علشان كل ما تدوسى على دماغى
اتف فى وشك

مسابقة بين حمار وحشى و حمار عادى راح الحمار العادى وقف و قال مش هدخل 
المسابقة الا لما تجيبولى ترنج زيه

ساقط


محشش راح يشوف نتيجة الامتحان لقى نفسه ساقط راح رجع البيت اتخانق مع امه قالها قاعدة تلعبى طول السنة و جاية فى اخر يومين تدعيلى

اغسلى هدومى و حضرى العشاء

واحد بعت رساله لمراته. وقالها
حبيبتي أنا هتأخر فى الشغل شوية، لو مافيهاش تعب اغسلى هدومى و حضرى العشاء قبل ما اوصل 
بعد 5 دقائق بعت لها رسالة ثانية
حبيبتي نسيت أقول لك أترقيت ومرتبى زاد وآخر الشهر حاخذ إجازة ونسافر للندن ردت عليه بمسج:
حبيبي بجد حتاخذني معاك لندن ؟ 
قال لها:
لا طبعاً بس كنت عايزتأكد أن المسج الأولانية وصلتك وقريتيها


الجمعة، أبريل 05، 2013

خد الكبيرة




مرة واحدة بتكلم ابن عمها ع الفيس ومش عايز يرد
قالتله: انا سقطت ف امتحان الكيلة...مردش
قالتله : انا بشرب كل يوم حشيش...مردش
قالتله: انا ماشية مع هيثم صاحبك...مردش
قالتله: طب خد الكبيرة بقي...انا حامل منه

قالها: خدي الاكبر بقي.... ابوكي قاعد جنبي

الخميس، أبريل 04، 2013

المياه مسممة


راجل قام من النوم على صوت صراخ,سأل الجيران ايه الي حصل؟
قالوله:المياه مسممة,مراته صحيت وسألته:في ايه؟
قالها :ما فيش..اشربي ونامي

قال واسطة قال

واحد صاحبنا جاى بعد مالنظام إتغير و عاوز يشغل بعد سنين الكلية

رايح قال إيه بواسطة

المهم صاحبنا ده دخل عالمدير وبيقول له أنا فلان الفلانى وده كارت عمى  وفيه نمرة تليفونه

قاله لا إحنا بعد الثورة ما لناش فى الواسطة 

قاله طب أعمل إيه

قام المدير قال له هات نمرة تليفون خالتك


بيوزع فلوسه

بخيل حلم انه بيوزع فلوسه على الفقراء,لما صحي قال:ابقى عيل لو نمت تاني.

ثلاح بيثلم عليكى

واحدة كانت مصاحبة واحد عنده شغلانة حلوة 
بس إتقدم لها واحد جامد مقرش ومعاه حته مرسيدس

قامت باعتة لصاحبها الأولانى رسالة قالتله أنا إتخطبت لواحد أحسن منك كتير يا ريت ما تكلمنيش تلنى وتبعتلى صورتى مع أخوك الصغير 

راح صاحبنا كلم صحابه ولم صور البنات بتعاتهم وباعتهملها مع أخوه ووصاه يقول لها 

أخويا ثلاح بيثلم عليكى وبيقولك إن هو مش فاكرك أنهين فى دول فنقى ثورتك من دول وهاتى الباقى 

الثلاثاء، أبريل 02، 2013

مسطول نازل من العربيه

مره واحد مسطول وهو نازل من العربيه لقى الدنيا بتمطر راح نازل من الباب التانى

ليه الشعب المصرى يحلف كثير؟

سألوا مصرى ليه الشعب المصرى يحلف كثير؟
قال طب و الله العظيم دى أشاعه قسماَ بالله إفترى على الطلاق بالثلاثه كدابين

واحد بلدياتنا حاطط على كتفه تمساح

واحد بلدياتنا كان ماشى في الشارع و حاطط على كتفه تمساح
 شافه ظابط قاله ايه يا راجل يامجنون امشى وديه جنينه الحيوانات
وتانى يوم شافه الظابط تانى ماشى و على كتفه التمساح " قاله يا راجل يا مجنون مش قلت لك وديه جنينه الحيوانات "
رد عليه " ما انا وديته امبارح جنينه الحيوانات و النهارده ها وديه السينما"

الاثنين، أبريل 01، 2013

الشبه بينك والقملة

واحد قاعد مع أبوه فى ساعة ضهرية 

بيقول له تعرف يا حاج إيه الشبه بينك وبين القملة

أبوه قاله نعم يا ابن الجزمة

قال له أنتو الإتنين على راسى من فوق يا حاج

السبت، مارس 30، 2013

زلزال


فجأة حصل زلزال 
لقوا واحد شايل حماته ونازل بيها جرى على السلم .. 
قابله واحد بيقوله انت خايف ليه البيت اللى انت فيه ده مش هيقع 
فال له من عارف منا رايح بيها البيت اللى بيقع هناك ده

ناقص


مدرس بيقول لطالب ادخل كلمة ( ناقص) فى جملة قاله : وناقص تقولى اعربهالى

الجمعة، مارس 29، 2013

دكتور رخم قوى

دكتور رخم قوى بيعمل عملية لواحدة عاملة حادثة

طلع الدكتور لقى واحد قاعد برة

سأله: انت جوزها؟

قاله: آه يا دكتور طمننى عليها

الدكتور: والله مش عارف اقولك ايه. احنا عملنا اللى علينا و انقذنا حياتها بس.

يؤسفنى انى اقولك انها حتكون طول عمرها مشلولة. يعنى انت اللى حتأكلها و تشربها و تلبسها و تشيلها.

جوزها و هو بيلطم على وشه: لا حول ولا قوة الا بالله

الدكتور قاله: هههههههههه يا جدع بهزر معاك

مراتك ماتت

ما هى الدولة التى تتمنى السفر اليها ؟

سأل المدرس التلميذ: ما هى الدولة التى تتمنى السفر اليها ؟

التلميذ: تشيكوسلوفاكيا

المدرس: اطلع اكتبها على السبورة

التلميذ: و ربنا بهزر معاك يا جدع. دا انا بموت فى مصر

جد بيقول لحفيده

جد بيقول لحفيده: روح استخبى فى اوضتك. الأستاذ جه و انت ماعملتش الواجب

حقوله انك عيان فى السرير

رد الحفيد: انت الى روح استخبى فى اوضتك يا جدو

انا قايله فى المدرسة النهاردة انك مت امبارح بالليل. شكله جاى يعزينى

الخميس، مارس 28، 2013

اتحكم عليهم بالسجن المؤبد

مصرى وفرنسى وامريكى اتحكم عليهم بالسجن المؤبد

قالولهم اللى حيخترع شئ مفيد هنطلق سراحه

الفرنسى قالهم محتاج حديد و كيماويات

مرت 10 سنين و لقيوه اخترع صاروخ. فأفرجوا عنه

الأمريكى قالهم محتاج حديد و مواد كيماوية

مرت 5 سنين و لقيوه اخترع رجل آلى بيتكلم. فأفرجوا عنه

المصرى قالهم محتاج فاس وشاكوش

مرت 3 سنين و لقيوه حافر نفق و هرب

مندوب مبيعات مكانس كهربائية

مندوب مبيعات مكانس كهربائية راح لأول بيت وخبط على الباب

فتح له صاحب البيت. راح المندوب على الصالة و رمى كيس مليان بالتبن على السجادة

و قال: شوف يا باشا. المكنسة دى لا صنع الصين ولا صنع اليابان

المكنسة دى عجيبة غريبة. هتنضف كل التبن اللى كبيته كله

وشرط يا باشا لو مانضفتش كويس هاكل التبن ده كله

قاله صاحب البيت: عايز معاه بيبسى ولا عصير؟

المندوب قاله: ليه؟

قاله: لأن اصلا مفيش فى البيت كهربا

بنت بتوزن نفسها

بنت بتوزن نفسها وقفت على ع الميزان و حطت جنيه, طلع وزنها 74 كيلو

قلعت الجزمة و حطت جنيه تانى و طلع وزنها 72.5

قلعت الأيس كاب و الجوانتى و الكوفية و حطت جنيه, طلع وزنها 72.25

قلعت الجاكيت و حطت جنيه تانى, طلع وزنها 71

بصت وراها لقيت واحد واقف

قالها: كملى كملى انا معايا فكة

الثلاثاء، مارس 26، 2013

تطور العلم

تطور العلم و مازلنا لا نعرف

من اين جاء القذافى

متى تكون آخر حلقة لكونان

ما هو الشامبو رقم 2 فى العالم

من سينتصر فى النهاية توم ولا جيرى

ديتول يقضى على 99% من الجراثيم, الجرثومة الأخيرة راحت فين

كم مساحة ملعب كابتن ماجد

و اخيرا اين اشيائى

واحدة نكدية

واحدة نكدية بتقول لجوزها: يا ريتنى كنت اتجوزت ابليس ولا اتجوزتك

قالها: شرعا لا يجوز الأخ يتجوز اخته

محمد قرر انه يختبر حبيبته

واحد اسمه محمد قرر انه يختبر حبيبته و مدى اخلاصها ليه

راح عامل اكاونت جديد و بدأ يكلمها منه

قالتله: على فكرة انا كنت عارفة انك كنت حتعمل الحركة دى

و كنت متوقعاها منك يا مروان

قالها: بس انا مش مروان

قالتله: امال انت مين؟

قالها: انا محمد

قالتله: محمد عزت؟

قالها: لأ محمد مجدى يا جزمة

الأحد، مارس 24، 2013

ابو عبده نايم على السرير بيموت

ابو عبده نايم على السرير بيموت

راح قال لأم عبده: قومى البسى احلى لبس عندك و حطى مكياج و برفان

راحت ام عبده قايله له: انت اتجننت يا راجل؟! عايزنى اتزوق و انت بتموت

راح ابو عبده قايل لها: يا ولية, مش يمكن لما عزرائيل يشوفك متزوقة, فتعجبيه و ياخدك انتى ويسيبنى

ﻣﺮﺗﻚ ﻋﻤﻠﺖ حادثة

ظابط ﺍﺗﺼﻞ بوﺍﺣﺪ ﻭﻗاﻠﻪ: "ﻣﺮﺗﻚ ﻋﻤﻠﺖ حادثة ﻭﻣﺎﺗﺖ ! ممكن تيجى ﺘﺘﻌﺮﻑ ﻋﻠﻰ ﺍﻟﺠﺜﺔ ؟"

الراجل قاله: طب ممكن تنزﻟﻬﺎ ﻋﻠﻰ ﺍﻟﻔﻴﺲ ﺑﻮﻙ ﻭتعملى ﺗﺎج ﻭ لو هى دى مراتى هعملك ﻻﻳﻚ

لماذا نهتم فى مصر بالسجون؟

السؤال: لماذا نهتم فى مصر بالسجون أكثر من إهتمامنا بالمدارس؟

الإجابة واضحة: إن المدارس بالنسبة لنا هي ماض لن يعود ... لكن السجون هي مستقبلنا جميعا

الجمعة، مارس 22، 2013

واحد فى امريكا قتل حماته

مرة واحد محشش سمع فى الأخبار ان فى واحد فى امريكا قتل حماته و دفنها تحت السرير

و اكتشفوا الجريمة بعد 25 سنة

فالمحشش سمع الخبر قال ياه 25 سنة؟؟!! فقال لما اجرب

قتل حماته و دفنها تحت السرير

بعد 5 دقايق جه البوليس

الراجل قال ايه ده؟؟ ال 25 سنة لحقوا يعدوا بسرعة كدة؟؟

الظابط قاله لا يا روح امك, بس الأمريكى كان ساكن فى الدور الارضى

مش زيك فى الدور الخامس

نسيت ان اضع الملح فى الطعام

قالت له و هى مرتبكة و خائفة: لقد نسيت ان اضع الملح فى الطعام

فلاحظ ارتباكها و قلقها فضمها اليه و همس

لا تقلقى يا حبيبتى فانتى ملح حياتى

و مسك راسها....و حطها فى حلة الملوخية

انت بتعرف تكتب فى الضلمة؟

ولد بيسأل ابوه انت بتعرف تكتب فى الضلمة؟

رد عليه و قاله: ايوة طبعا

رد الولد و قاله: طيب اطفى النور و امضيلى الشهادة

واحد مروح البيت مبسوط

واحد مروح البيت مبسوط...مراته بتسأله...مالك مبسوط كدة ليه؟؟

قالها: النهاردة انا اترقيت و بقالى مكتب لوحدى و بكرة حعين سكرتيرة خاصة

قالتله: آه...بس انا بقولك اهه...تعين واحدة وحشة و مش بتلبس شيك ولا بتحط برفان ولا حتى تكون بتعرف تبتسم

قالها: ماشى يا حياتى...عاوزة تستلمى الشغل من امتى؟

واحد قاعد ياكل بذر تفاح

واحد قاعد ياكل بذر تفاح, صاحبه بيقوله ايه ده؟

قاله: ده بذر تفاح

قاله: حد ياكل بذر تفاح!!!

رد عليه: ده مفيد جدا و منشط للذاكرة و بيزود الذكاء

صاحبه قاله: ادينى شوية

رد عليه: لا انا حبيعلك 10 بذرات ب 100 جنيه

قاله: ماشى خد ال 100 جنيه و هات البذر

بدأ ياكل اول واحدة و تانى واحدة و بعدين بطل و قال بصوت عالى لصاحبه:

انت بتضحك عليا, انا كان ممكن اشترى 15 كيلو تفاح بال 100 جنيه دى

رد صاحبه و قاله: شوفت ازاى من تانى بذرة بدأت تفكر؟

امال بعد العشرة هتعمل ايه

الأربعاء، مارس 20، 2013

ازاى تخوف

عايز تخوف اسبانى: قوله التيران انقرضت

عايز تخوف ايطالى: قوله هيمنعوا المكرونة

عايز تخوف يابانى: قوله واحد سرق اختراعك

عايز تخوف مصرى: قوله انا عارف اسم امك

بتسأل حبيبها

واحدة بتسأل حبيبها: بتحبنى اكتر ولا اللحمة؟؟

قالها: انتى بتهزرى يا حياتى!!!

دى الشوربة لوحدها برقبتك

اهبل بيهشتك ابنه فى البلكونة

واحد اهبل بيهشتك ابنه فى البلكونة...عدى واحد صاحبه فى الشارع بيقوله عامل ايه؟؟

قاله: الحمد لله

قاله: ايه اللى فى ايدك ده؟؟

قاله: ده ابنى لسة مخلفه من اسبوع

قاله: طيب احدفهولى كدة لما اشوفه

قاله: لا يا عم لاحسن يقع

قاله: لا ماتخفش انا كنت حارس مرمى

راح مهوشه يمين و حدف الواد شمال

الاثنين، مارس 18، 2013

واحد ندل انقذ واحد بيتحرق

واحد ندل انقذ واحد بيتحرق, فكرموه و سألوه على سر شجاعته و ليه انقذه

قال: انا انقذته لسببين. الأول علشان مايموتش شهيد

و التانى علشان يعيش مشوه

سور الصين العظيم

ليه سور الصين العظيم من عجائب الدنيا السبعة؟

عشان ده الحاجة الوحيدة اللى اتعملت فى الصين و لسة شغالة لحد دلوقتى

مسطول راح المحكمة

مسطول راح المحكمة, القاضى بيسأله انت متجوز؟

قاله: ايوة...متجوز واحدة ست

القاضى: انت بتهرج؟ هو فى حد بيتجوز واحد راجل؟

المسطول: آه اختى

السبت، مارس 16، 2013

انا بحبك من كل قلبى

بعتلها رسالة: انا بحبك من كل قلبى

بعد شوية وصلته رسالة

قبل ما يفتحها فكر...معقول الرسالة دى تخلينى اسعد انسان؟ معقول هى كمان بتحبنى؟..ولا يمكن...؟

قرر ينام قبل ما يفتحها

الصبح استجمع شجاعته و قرر يفتح الرسالة

و وعد نفسه يفضل قوى مهما كان محتواها

و لما فتح السالة كان مكتوب فيها

"عذرا...لم يتم ارسال الرسالة...لا يوجد رصيد

عزيزى العاشق الولهان...قبل ماتحب اشحن رصيدك"

ما مدى حبك للأطفال؟؟

سألوا شاب مصرى: ما مدى حبك للأطفال؟؟

قال: مدى حبى للطفل يعتمد على جمال اخته

راح يشتري ضمير

واحد راح يشتري ضمير سأل البياع:

بكام الضمير؟ البياع قاله:

الضمير الالماني ب ٥٠٠٠ جنيه

الضمير الياباني ب ١٠٠٠٠ جنيه

الضمير الامريكي ب ٧٠٠٠ جنيه

الضمير العربي ب ١٠٠،٠٠٠ جنيه

الراجل سأل البياع: ليه الضمير العربي اغلب ضمير كده؟

البياع قاله: لأنه عمره ما اشتغل يعني لسة بكرتونته

الأربعاء، يناير 23، 2013

مصرية عملت حادثة


مصرية عملت  حادثة  (عادى يعني مش كده)
ولما فاقت لقت اﻻجهزه عليها
قامت شاورت بإيدها
سألوها الممرضات: عايزة تشربي؟
تهز براسها ﻻ
عايزة تاكلي؟
تهز براسها ﻻ
عايزة تروحي الحمام؟
تهز براسها ﻻ
الدكتور احتار قال يمكن عايزة تقول وصيتها
خلينا نشيل جهاز التنفس ونشوف عايزة ايه ؟
بعد ماشالوا اﻻجهزه منها سألها الدكتور ؟ عايزة ايه ؟؟؟؟؟
قالت : قولوا ﻻختي تكتبلي على الفيس بوك
نايمه بالعنايه المركزة

الثلاثاء، يناير 22، 2013

أبوه مات

واحد أبوه مات وعمال يعيط
جاله تليفون رد عليه وقعد يعيط أكتر من الأول
الناس قلقت عليه وسألته في إيه

قال لهم دى أختى أبوها كمان ماات