السبت، ديسمبر 31، 2011

واحد وابنه كسلانين

مرة واحد وابنه كسلانين قاعدين بياكلو فا مراته جت فخبطت فقال لابنه قوم افتح لامك
ابنه قال له: لا ماهى مراتك انت..
قال له دى امك أنت
قال له دى مراتك أنت
قال له دى امك انت
قال له لا
قال له طيب
وراح منادى على مراته و قاللها انتى طالق
وراح باصص لابنه وقال له قوم يا فالح افتح لامك بقى

مسطول راح مطعم

واحد مسطول راح مطعم وقال لصاحب المطعم سندوتش طعمية من غير سلطة..
صاحب المطعم كمان مسطول قال له من غير سلطة ايه؟
قال له : من غير سلطة قوطة
صاحب المطعم : ماعنديش سلطة قوطة اعمله من غير سلطة طحينة؟؟؟

سكران اتصل بمصر للطيران

واحد سكران اتصل بمصر للطيران بيسأل الرحله من القاهره للندن ها تاخد اد ايه
فرد عليه الاستعلامات وقاله: ثانيه واحده
قال له السكران طب شكرا

الجمعة، ديسمبر 30، 2011

واحد بيحشش بيقول لصاحبه

مره واحد بيحشش بيقول لصاحبه امبارح جيت اسحب نفس قالوا لى ملكش رصيد

مسطول بيوقف تاكسي

مرة واحد مسطول بيوقف تاكسي فسأله: فاضي ياسطى
فقال له الأسطى: ايوة فاضي
فقال له السكران طيب ماتيجي تقعد معايا شوية

محشش بيتصل بالمطافى

محشش بيتصل بالمطافى : إيه يا جماعة؟ إذا ماكانش فى حريقة ماحدش يشوفكوا !!

الخميس، ديسمبر 29، 2011

صعيدى اشترى لإبنه آلة حاسبة

صعيدى اشترى لإبنه آلة حاسبة شال منها الزيرو علشان إبنه مايتصلشى دولى

محشش وقع فى خزان

إثنين محششين .. الأول وقع فى خزان الميه ،الثانى راح يستناه عند الحنفية

ابو ياسر وصل البيت

ابو ياسر وصل البيت ، فقال : ام ياسر يلا تعالي وحشاني وعاوز بوسه
قالت له : ياسر في البيت
فزعق : ياسر روح اقف في البلكونه و قولي ايه اللى بيحصل فى الشارع
طلع ياسر وبدأ يتكلم بصوت عالي :
... فلان راكب عجله و فلان قاعد يغسل العربية و فلان بياكل
بعدين قال : عمي ابو ناصر بيبوس ام ناصر ،
ابو ياسر نط بسرعه زي المجنون و قاله : شفتهم ازاى ؟
رد ياسر : مشفتهمش بس شفت ناصر واقف في البلكونه

الأربعاء، ديسمبر 28، 2011

كمسري أبوه مات

كمسري أبوه مات ماشى في الجنازة يقول يا حضرات الجنازة فاضية آدام

بيصطاد ارنب

واحد حب يصطاد ارنب - قلد صوت الجزر!

واحد بلدياتنا اتجوز

مره واحد بلدياتنا اتجوز جه ابو العروسة قاله لو لقيتها بنت اضرب طلقتين فى الجو وفرحنا ولو لقيتها مش بنت اقتلها واغسل عارنا..اول يوم ضرب طلقتين وتانى يوم موتها

الثلاثاء، ديسمبر 27، 2011

بلديتنا رجع بيته

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى
رد بلديتنا لأ ذيع خللى الناس تنبسط

كسلان دخل للحلاق

واحد كسلان دخل للحلاق فقاله الحلاق شعر ولا دقن قاله شعر قاله ارفع راسك قاله يووه خلاص خليها دقن

بلدياتنا راكب الطيارة

واحد بلدياتنا كان راكب الطيارة هو و ابنه و كان في الطيارة عصام الحضري, فالطيار قال احنا لازم نستغل فرصة ان معانا عصام الحضري و نعمل مسابقة نسلي بيها الركاب.
راحوا قايلين لبلدياتنا احنا حنفتح باب الطيارة و حيقف الحضري عليه كأنه جون و انت حترمي عليه ابنك , و ما تخفش ده احنا معانا الحضري.
و وافق بلدياتنا و وقف الحضري على باب الطيارة, و بلدياتنا مسك ابنه و قام مهوش يمين قام الحضري ناطط يمين, راح بلدياتنا رامي ابنه شمال

الاثنين، ديسمبر 26، 2011

داخلين محل جزم

مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب

فتح لها باب السياره

فتح لها باب السياره فقالت له: ما أجملك عندما تكون رومنسيا !
فقال لها : اتنيلي وانزلي الباب مبيفتحش من جوا

بابا نويل بيوزع هدايا

بابا نويل بيوزع هدايا على كل الناس وهو بيوزع شاف بنت حلوة بتاعة 25 سنة
قرب وإداها هدية من شنطته
قالت له ميرسى أوى يا بابا نويل
قال لها نويل بس من غير بابا

الأحد، ديسمبر 25، 2011

النهاردة كام فى الشهر

واحد مسطول بيقول لصاحبة المسطول النهاردة كام فى الشهر؟
فقاله أربعين منه 
فرد علية المسطول الثانى وقاله يااه لحقنا نوصل لنصة

بلدياتنا زهقوا من التريقة

اتنين بلدياتنا زهقوا من التريقة عليهم فهاجروا الهند
أول مانزلوا من الطيارة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟
قال له أصلهم هنا بيعبدوا البقر

بلدياتنا راكب القطر

واحد بلدياتنا راكب القطر ومعاه ابنه ومش عاوز يدفع له تذكرة ..
فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده ..
فدخل ايده جوة وقال له مافيش حاجة

السبت، ديسمبر 24، 2011

الدولاب بيزيق

مرة كان فيه واحدة عندها دولاب كل ما القطر اللي جنبيها يعدي الدولاب يزيق و يطلع أصوات, فندهت للنجار يشوفه
النجار قاللها يا مدام الدولاب زي الفل
قالتله لأ خش في الدولاب و استنى لما القطر يعدي و حتسمع بنفسك
الراجل دخل و قفل الباب و استنى , ساعتها جوز الست جه و دخل الأوضة و فتح الدولاب لقة النجار في وشه
النجار قاله و الله يا بيه لو حلفتلك اني واقف مستني القطر ما حتصدقني

عملوا جائزة مليون جنيه

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال
سأل مراته فين العيال قالتله كل عيل أبوه جه خده

بلدياتنا نجح في انتخابات

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟..
فرد الحاج : والله أحسن من الكيلوبترا

الجمعة، ديسمبر 23، 2011

عاوز أعمل مفاجأة لمراتي

مرة واحد قال لصاحبه "عاوز أعمل مفاجأة لمراتي فى عيد جوازنا"
صاحبه : "هتعمل لها إيه؟"
"هوديها الصين"
"يا راجل فى عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"
"هروح اخدها ! "

بحلم بيوم جوازنا

مره واحده بتقول لجوزها: "تصدق إن أنا كل يوم بحلم بيوم جوازنا"
قالها: "هى لسه الكوابيس دى بتجيلك؟"

إهدى حبيبى

مرة واحدة قالت لجوزها " إهدى حبيبى كدة وأرجع زى زمان"،
الراجل طلقها و رجع لأيام العذوبية

الخميس، ديسمبر 22، 2011

مطلوب زوجة

واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟

بيبص كتير في عقد الجواز

واحد متجوز وقاعد في البيت وبيبص كتير في عقد الجواز...
مراته قالت له: بتبص في عقد الجواز ليه يا حبيبي؟"
قالها: "مش عارف يا حياتي
المأذون كتب تاريخ انتهاء العقد ده فين ؟؟!!"

محشش اتصل بشركه الاتصالات

محشش اتصل بشركه الاتصالات
رد عليه الموظف و قاله
اتفضل حضرتك كيف اقدر اساعدك
قال له: لو سمحت انا سلك التلفون عندي طويل
ممكن تسحبه من عندك شوية

الأربعاء، ديسمبر 21، 2011

ميكانيكي فتح مصنع

واحد ميكانيكي فتح مصنع شيكولاتة سماه كالاكسى

محشش جابوه للقاضي

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام

محشش راح يخطب

واحد محشش راح يخطب واحده ..
ابوها قاله:" انا عليا الشقة .."
رد عليه وقاله :" وانا عليا البنات والبيره !"

الثلاثاء، ديسمبر 20، 2011

صعيدي اخد شهادة الدكتوراة

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟
اديني جبت الدكتوراة فقالت له مراته : دق عالخشب لا تصيبك عين
قام دق عالخشب قالت : مين عالباب؟
قالها خليكي هنا حشوف مين

صعيدي راح محل جاتوه

مرة واحد صعيدي راح محل جاتوه قال للراجل عندك جاتوه قاله ايوه
قاله طب اديني قفصين

مراته ولدت بنت الساعه 3

بلدياتنا مراته ولدت بنت الساعه 3 بعد نص الليل ...
دبحها وجال ماعنديش بنات تيجى آخر الليل

الاثنين، ديسمبر 19، 2011

صعيدى قابل واحده اجنبيه

مره واحد صعيدى قابل واحده اجنبيه
سالها : انتى منين
قالتله: what؟
قالها: اجدع ناس الوتاوته

مساطيل ماشيين على شريط القطر

مره اتنيين مساطيل ماشيين على شريط القطر فواحد بيقول للتاني
يآخي السلم ده طويل بشكل ....
رد التاني عليه:
الي مضايقني ان الدربزيين واطي أوي ....

ما هو السيفون

صعيدي سألوه ما هو السيفون؟؟
قال:صندوق بحبل لما تشده يا تلحق تشرب يا متلحقش

الأحد، ديسمبر 18، 2011

واحد بيسأل خطيبته

واحد بيسأل خطيبته : حد قبلى لمسك ؟ سكتت
قالها : ايه زعلتى؟؟
قالت له : بأعدهم

بلدياتنا اتعزم

واحد بلدياتنا اتعزم فى حفلة تنكرية قام غسل وشه

أسرع ثلاث وسائل للاتصالات

ايه أسرع ثلاث وسائل للاتصالات؟
Telephone
Television
Tell -a- Woman

السبت، ديسمبر 17، 2011

دخل على مراته البيت

مرة واحد دخل على مراته البيت لقى معاها راجل..قالها :
و الله عال..النهاردة راجل...بكرة تشربيلي سجاير !!!

خرجوا فى رحلة سفاري

تلاته خرجوا فى رحلة سفاري..واحد مصري والتاني صومالي والتالت أمريكاني..دخلوا
كهف وناموا..وصحيوا بعد 300سنة!..كل واحد فيهم قام رجع بلدة ..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي )
الأمريكي شغل الراديو سمع: (سيدافع الجيش الأمريكي عن البلاد لآخر جندي !)
المصري شغل الراديو سمع:
(إخترناه..وبايعناه...وعشان كده احنا اخترناااااااااااااااااااه !)

ندل بيعيط في جنازة

ندل بيعيط في جنازة سألوه تعرفه ؟
 قال: لا بس سمعت ان البكاء يعذب الميت

الجمعة، ديسمبر 16، 2011

صعيدى راح لواحد بياع

واحد صعيدى راح لواحد بياع تيليفزيونات
بيسأله عندك تيليفزيونات ملونة؟
 البياع قال له ايوه
راح الصعيدى قايله ادينى واحد أخضر

واحد سباك

واحد سباك نفسه اتسدت غرقت الشقة

راجل و مراته عواجيز

راجل و مراته عواجيز
الراجل بيقول لمراته : انا هاقوم اشرب من المطبخ
الست قالتله : طب هات معاك طبق جيلى من التلاجة
الراجل : حاضر
الست : اكتب احسن تنسي
الراجل : مش محتاجة كتابة
الست : طيب هات معاك كريمة
الراجل : حاضر
الست : اكتب احسن تنسي
الراجل : مش محتاجة كتابة
الست : طب هات معاك حبتين كريز
الراجل : حاضر
الست : اكتب احسن تنسي
الراجل : مش محتاجة كتابة
بعد شوية رجع ومعاه بيضتين وبرطمان الملح
الست : مش قولتلك اكتب احسن تنسي ..... اديك نسيت العيش

الخميس، ديسمبر 15، 2011

كنتى هتتجوزينى لو ما كانش

الزوج الجديد لزوجته: كنتى هتتجوزينى لو ما كانش بابا ساب لى كل الثروة دى؟
الزوجة: يا حبيبى أنا كنت هتجوزك بغض النظر مين اللى ساب لك الثروة.

راكبين الأتوبيس

الابن : يا ماما لما كنا راكبين الأتوبيس أنا و بابا النهارده قاللى أدى مكانى لواحده ست واقفة.
الأم: انت عملت الصح يا حبيبى.
الابن : لكن أنا كنت قاعد على حجر بابا.

غبي راح يخطب

مرة واحد غبي راح يخطب. ابو العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

الأربعاء، ديسمبر 14، 2011

قوم يا راجل فى حرامى

واحد نايم جنب مراته فسمعت صوت، بتقوله قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

ابن نابليون

واحد مجنون في مستشفى المجانين بيكلم الدكتور يا دكتور ليه انت مش عايز تصدق ان انا ابن نابليون؟
رد عليه مجنون تاني: طبعا عشان انت مجنون، يا دكتور متصدقهوش ده لا ابنى ولا اعرفه

صعيدي قال لأبوه

صعيدي قال لأبوه: رخصة السواجة خلصت يابوي قاله:من لفك في الشوارع طول
النهار يابن الدزمة.

الثلاثاء، ديسمبر 13، 2011

اطرد السواق

واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة.

صعيدي جزمته اتقطعت

صعيدي جزمته اتقطعت خيطها وبعد أسبوع لقاها كويسه فك
الخياطه.

واحد مش على بعضه

واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
افففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر
 أديني رقمتهم.. لو سمحت بقى أهرشلي في المربع رقم 33

الاثنين، ديسمبر 12، 2011

واحدة سودة قوي

واحدة سودة قوي ركبها عفريت حاولوا يطلعوه قالهم نفسي أطلع بس مش
شايف.

ولد بيسأل أبوه

ولد بيسأل أبوه: هي الحمير بتتجوز؟ قاله :يا بني مبيتجوزش أصلاً غير
الحمير.

محشش لقي كنز

محشش لقي كنز قال: كويس فاضل الخريطة!!

الأحد، ديسمبر 11، 2011

واحدة بتقول لحبيبها

واحدة بتقول لحبيبها أهلي مسافرين والبيت فاضي قالها أقري قرآن
ومتخفيش

محشش قطع رأس أخوه

محشش قطع رأس أخوه وهو نايم وقعد يضحك ويقول: هيتجنن لما يصحي
وميلقهاش!!

ست مسكت حرامى

واحده ست مسكت حرامى فى المطبخ ،فقالت لابنها روح إنده ابوك من على القهوة
جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم 
،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض .....
بص لمراته وقال لها امال فين كريم ؟!!!

السبت، ديسمبر 10، 2011

واحدة بتقول لجوزها

واحدة بتقول لجوزها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا

واحدة ندلة بتقول لجارتها

واحدة ندلة بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إيه ... عملت بامية وأمري لله

واحد ندل قعد لمده سنه

واحد ندل قعد لمده سنه يتحايل على حبيبته علشان تخرج معاه ولما وافقت راح قال لأبوها

الجمعة، ديسمبر 09، 2011

جورج قرداحي اتصل بواحد ندل

واحد ندل جورج قرداحي اتصل بيه وقال له معنا صديقك وصل نصف مليون ريال محتاج مساعدتك قال: قل له نايم

ندل بيوصي عياله

ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يقول الشهادة قام واحد من عياله وسد بقه

ندل فتح مدرسة

ندل فتح مدرسة للأيتام علشان يذلهم بقى يعمل كل يوم اجتماع أولياء أمور

الخميس، ديسمبر 08، 2011

واحد جاب بغبغان هدية

مرة واحد جاب بغبغان هدية لواحد صعيدى وبعد كام يوم سألة
ايه اخبار البغبغان؟؟
قال له عادى يعنى طعمة طعم فراخ

ندل اشتغل في المطافى

واحد ندل اشتغل في المطافى عبا حنفيات الحريق بنزين

عرف أن الأموات بيحسوا

واحد ندل عرف أن الأموات بيحسوا ويسمعوا . وقف على المقابر وشغل أغنية الحياة حلوة

الأربعاء، ديسمبر 07، 2011

مستشفى الولاده

فى مستشفى الولاده ، الأب شايل بنته اللى لسه مولوده و قاعد يغنى 
يا قمر انت يا صغنن ، يا كتكوت انت يا سكر 
فصاحبه قال له: انت تاعب نفسك فى ايه ، انت فاكرها فاهمه حاجه؟؟ 
يا راجل دى بتبتسم أهه ، و ضحكت كمان !!
يا جدع انت بنتك نايمه ، تبتسم ازاى؟ 
يا أخى انا باتكلم على الممرضه

واحد راح السيرك

واحد راح السيرك وقرر انه يعمل حاجه مختلفه 
جاب نمله وقعد يدربها 10 سنين علشان تقف على رجل واحده
وراح لولد صغير فى الشارع وقاله بص يا حبيبى النمله دى بتقف على رجل واحده
الولد راح مسك النمله وفعصها وقاله ايه ده يا عمو دى نمله
فقرر انه يعيد التجربه 
جاب نمله تانى ودربها 10 سنين 
وقال عيال صغيره ايه, المرة دى انا هاروح لواحد كبير.
راح لواحد كبير فى الشارع وقاله بص النمله دى بتقف على رجل واحده
فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

قرية اهلها اشتكوا

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي 
الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى 
فارسلت لهم الاوقاف شيخا آخر وحذرته من الاطالة. 
وصل الامام الجديد فدخل المسجد وصعد المنبر وحيّا المصلين وسأل: 
اتعرفون قصة سيدنا يوسف عليه السلام؟ 
فرد المصلون كلهم: نعم . 
فنظر الامام الى المؤذن وقال: اقم الصلاة. 
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ 
فرد المصلون : نعم. 
فقال لهم : ماتجوش الجمعة الجايـــة

الثلاثاء، ديسمبر 06، 2011

حب يشتري فراخ

واحد حب يشتري فراخ 
فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله مدبوحه
فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه 
فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه
قاله متكيسه فقاله اطلع الدور الرابع فطلع الدور الرابع فراجل قاله بص احنا معندناش فراخ بس ايه رايك في النظام؟

عايز يعلم ابنه انجليزى

بلديتنا عايز يعلم ابنه انجليزى راح ابتدائي منفعش
راح ثانوى منفعش
راح الجامعة منفعش
قال لازم اوديه انجلترا واجوزه واحدة من هناك عشان يعرف يتكلم انجليزى
راح مجوزه واحدة من انجلترا 
فى الصباحية بيقولها "مستر هريدى موجود؟" قلتلوا "نجوله مين؟"

عنده مزرعة حيوانات

واحد عنده مزرعة حيوانات, وعنده كتكوت عامله مشاكل كتير اوى. الراجل آ خر ما زهق حط الكتكوت فى قفص الديك الرومى, رجع تانى يوم لقى الكتكوت نتف ريش الديك. راح واخده و حطه فى قفص الثعابين, رجع تانى يوم لقى الكتكوت مربطهم ببعض، وماسك واحد فيهم بينقر فيه.
فقرر الراجل انه يرميه فى الصحراء.
تاني يوم صعب عليه الكتكوت وقال اروح اجيبه حرام. راح الصحراء لقى الكتكوت مرمى على الارض و شكله ميت راح ماسكه فالكتكوت فتح عينيه و قاله:
سيبنى يا غبى انا عامل كمين للصقر

الاثنين، ديسمبر 05، 2011

بابا أنا أخدت 10

كل يوم الولد يرجع من المدرسة يقول لأبوه بابا أنا أخدت 10
وابوه يقوله برافو عليك يا حماده
وفضل على الحالة دى شهر لحد ما فى يوم رجع قال بابا أنا أخدت 3
رد ابوه ليه كده أخص عليك يا حماده
رد حماده ما هو ده اللى لاقيته فى جيبك يا بابا

بيحششوا فوق السطوح

اتنين قاعدين بيحششوا فوق السطوح
الاول: الحق يا منير ابوك مات .. ، راح شدله حجرين وقعد يعيط
بعد شوية الحق يا منير امك ماتت ... ، راح شدله حجرين تانى وقعد يعيط
شويه يا منير الحق اخوك مات
راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه
وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً

ثعبان نظره ضعيف

ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو
معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم

الأحد، ديسمبر 04، 2011

واحد عنده حشرات

واحد عنده حشرات فى شعره ، راح لدكتور عشان يخلصه منهم
قاله افتح المروحه على الاخر واقعد ادمها هيطير منك الحشرات
عمل كده وبعدين نام وصحى سمع صوت الحشرات بتقول : امبارح كان فيه عاصفه لكن محدش مننا مات
راح تانى للدكتور قاله منفعش الحل ده
الدكتور قاله خلاص اركب عربيه واطلع على اخر سرعه وطلع دماغك من الشباك
عمل كده وهو مروح من عند الدكتور
وروح نام وصحى سمعهم بيقولوا : امبارح حصل عاصفه شديده قوى ومافيش حد مات
قام رايح للدكتور تانى وقاله الحل منفعش انا عاوز اخلص بقى
قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك على طول
ام راح عمل كده ونام وصحى الصبح سمعهم بيقولوا :
امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التاني

الصعايدة بيبنوا كوبري

الصعايدة إتضايقوا أوي أوي عشان كل الناس بيتتريقوا عليهم
قالوا مش ممكن لازم نعمل حاجة مشروع قومي لمصر
يخلد إسم الصعايدة للأبد
فكروا فكروا
وبعدين راحوا للريس قالوله إحنا عيزين نعمل كوبري كبير جداً على النيل
إدينا 100 مليون جنيه
بعد محاولات يفهمهم فقد الأمل وإدالهم
بعدها بإسبوعين طلبوا زيهم
قال لا ما بدهاش بقى روحوا لرئيس الوزرا
بعد 3 أيام نقاش إدالهم
بعدها بإسبوع كمان طلبوا كمان 100 مليون جنيه
لا كده ما ينفعش وشكل لجنة وبعتها الصعيد يشوفوا بيصرفوا الفلوس دي كلها إزاي
تقرير اللجنة جه كده
بسم الله الرحمن الرحيم
الميزانية تزداد بشكل كبير : نظراً لأن الصعايدة يبنون الكوبري بشكل غير تقليدي اللذي يتمثل في بناء الكوبري بجوارضفة النيل وليس لعبوره

صعايدة قرروا يفتحوا مزرعة دواجن

صعايدة قرروا يفتحوا مزرعة دواجن راحوا جابوا مليون كتكوت وزرعوهم ماتوا حاجة غريبة
قالوا مش مشكلة إستنوا موسم الكتاكيت الجديد وجابوا مليون كتكوت وزرعوهم وسقوا على طول المرة دي بقى ماتوا حاجة غريبة جداً
وقتها كان في واحد بلدياتهم وزير زراعة راحوا باعتين له مشكلنهم
قعد إسبوع إتنين وجه الرد في جواب فتحوه
مكتوب فيه
غيروا التربة ,التربة غير مناسبة

السبت، ديسمبر 03، 2011

صعيدي وخطيبته

صعيدي وخطيبته بيتمشوا على كورنيش إسكندرية مسكوهم على حدود ليبيا

الرئيس الأمريكي و الشحات

الرئيس الأمريكي كان في البلد وماشي في الشارع لقى واحد شحات مد إيده في جيبة ما لقاش حاجة
راح قايل له أول ما أرجع أمريكا حابعت لك فلوس
أول ما رجع راح باعت لمصر مليون دولار
وصلوا لوزارة الخارجية راحوا مديين لوزارة الداخلية كل المبلغ مليون جنيه
راحوا باعتين كل المبلغ نص مليون جنيه لوزارة الصحة
راحوا باعتين كل المبلغ ربع مليون جنيه لوزارة الشئون الإجتماعية
راح م الوزير لوكيل الوزارة لحد الساعى
على ما راح للراجل الشحات قال له الئيس الأمريكي بيقول لك يحنن

محشش بيشتري لحمه

محشش بيشتري لحمه من عند الجزار!
دخلت عليه قطه وقعدت تقول ميآآآو ميآآآو ..
المحشش قال للجزار وقاله: اديلها نص كيلو كبده!
القطه أكلت الكبده وقالت: ميآآآو ميآآآو ..
المحشش قال للجزار: إديلها كمان نص كيلو لحمه!
قام إدالها نص كيلو لحمه ؛ فالمحشش ساب الجزار ومشي الجزار طلع يجرى وراه ..
قال الجزار: فين حساب الكبده واللحمه ؟!
رد عليه المحشش: وأنا أحاسبك ليه!
 أنا كنت بترجملك كلام القطه

الجمعة، ديسمبر 02، 2011

عجوزة راحت الصيدليه

واحدة عجوزة راحت الصيدليه تجيب دواء روماتيزم ...
قالها الصيدلي: طلباتك يا قمر
رمت العُكاز و قالتله:
مُرطب شفّايف

باص بنات

عصابه خطفوا باص بنات
جه رئيس العصابه و قال لازم نغتصب كل الي فى الباص
راحت بنت قالت احنا عادي
بس في معانا واحدة عجوزة حرام
قالتلها العجوزة انتي اخرسي قال كل الباص يعني كل الباص

بيته بيحترق

مره واحد رجع من الشغل لقى بيته بيحترق
راح دخل وجاب بنته وطلع
ورجع مره تانيه وجاب ابنه
ورجع تالت مره وجاب مراته
ورجع رابع مره وجه فاضي
ورجع خامس مره وجه فاضي
فقالولو الناس ليه بتروح وترجع فاضي
قالهم بروح اقلب حماتي علي الناحيتين ؟؟؟

الخميس، ديسمبر 01، 2011

أم جهل

بينما كانت أم جهل تُنظِف آلخيمة واذا بها تصرخ ؛
فأرة .. فأرة ..
فقاطعها أبو جهل قائلا: فأرة أم كيبورد!
فضحكت أُم جهل ..
وخرجت آلفأرة، وطلبت من أبو جهل أن يقتُلها لأنها لم تعد تحتمل بواخته

عنتر و عبلة

دخل عنتر الخيمة وجد عبلة ترقص مع الرجال فاشتد غضبه وصارت الدماء تجرى فى عروقة فاشهر سيفه عاليا وقال بصوت ارهب الجميع:
العنب العنب العنب

محشش قال لصاحبه



محشش قال لصاحبه ازاى اعاكس البنات؟
قاله :لازم تجيهم بالسياسة.....راح المحشش غمز لبنت وقالها:
أخبار مبارك ايه ياحلوه

الأربعاء، نوفمبر 30، 2011

مجنون و مجنونة

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

النمر و الأرنب

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر راح ضربه و قال له إنت ودانك طويلة ليه

عائله من اكلة لحوم البشر

عائله من اكلة لحوم البشر . الاب و ابنه خرجوا للصيد وسابوا الام ....استخبوا في الغابه .... شويه و شافوا واحد رفيع معدي ,الابن قال لابوه يالا نصطاده الاب قاله بس يا عبيط هوه ده فيه حاجه تتاكل ...شويه وعدى واحد تخين الابن قال يالا نمسكه و ناكله الاب قاله بس يا عبيط ده كله دهن لو اكلناه نموت....شويه و عدت واحده حلوه قوي الابن قال هي دي يالا نمسكها و ناكلها ...الاب قاله بس يا عبيط يالا نمسكها ناخدها البيت و ناكل امك ....... !

الثلاثاء، نوفمبر 29، 2011

تاجر كتاكيت

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انت حمار انت بهيم دي بتاكل ذرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

لبن سخن

واحد عاوز يشرب لبن سخن ولع في الجاموسة

أبو العربي

أبو العربي قاعد مع واحد صاحبه أسمه برضه أبو العربي ، ما علينا
المهم أبو العربي بيقول لأبو العربي إمبارح إشتريت لأمي حله مساحتها إتنين فدان
أبو العربي إتغاظ قوي إمبارح جبت لمراتي بامية طول القرن منها 3 متر
راح أبو العربي حب يزنقه فقال له ودي طبختوها فين
راح أبو العربي رد بعوجان
"في حلة أمك"

الاثنين، نوفمبر 28، 2011

تايه في البحيرة

واحد تايه في البحيرة في رمضان مش لاقي العنوان اللي رايحة ، المهم جه علية المغرب
ولسة مش لاقي العنوان راح مخبط على أقرب باب عشان يفطر بس إفتكر فجأه إنه في دمنهور وكل اللى طلبه بق مياه ساقعه
دخل صاحب البيت وطول وبعدين رجع وفي إيده كوباية لبن مسكها صاحبنا وشربها على بق واحد وهو مستغرب جداً
سأل صاحب البيت أنا بصراحة مش مصدق ، قاله أصل دي كان وقع فيها فار أكيد أرخص من فاتورة المياه

جنينة الحيوان

اتنين متجوزين كل ما يخرجوا فى حته مراته تقول له عايزة اروح جنينة الحيوان عند جبالية القرود
و كل يوم تروح عند الجبلاية و تفضل تأكل القرود
لغاية يوم الولادة دخلت تولد و لما الممرضة خرجت سألها الاب اية ولد ولاّ بينت ؟؟ فقالت له الحقيقة يافندم ملحقناش نعرف
اول ما المولود نزل نط من الشباك

حامل فى ثلاث توائم

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه لحد لما صرخ ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة

الأحد، نوفمبر 27، 2011

باشا دار عليه الزمن

مرة واحد باشا دار عليه الزمن وافتقر حب يشتغل اشتغل بياع فجل وجرجير طول النهار واقف فى السوق وعمال يقول : فجل يا حوش .... جرجير يا كلاب .....

صعيدي راح للدكتور

واحد صعيدي راح للدكتور بعد ما كشف عليه قاله اطلع اعمل اشاعة, الصعيدي ركب الاسانسير لقاه كله مرايات افتكر هو ده جهاز الاشاعة فقلع ملط و وقف مستني , شوية ممرضة بتفتح الأسانسير شافته راحت مصرخة , قالها: يالهوي سرطان؟

صعيدى دخل محل اجهزه كهربائيه

مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل: بكام التلفزيون ده صاحب المحل قاله امشى ياض مابنبعش لصعايده الصعيدى راح حلق شنبه ولبس بدله وراحلوا تانى وساله بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست وراحله تانى وقاله بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون

السبت، نوفمبر 26، 2011

راكبين عربية أجرة

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

ثلاثه صقور

ثلاثه صقور اتراهنوا على الصيد راح الاول ورجع في منقاره دم قليل...
قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ......
راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال ....
راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش

طلقنى

بقولك مش عايزاك مش طيقاك طلقنى طلقنى....
برضه مش هطلقك ....نعمل إستفتاء الأول

الشوط التانى

اعزائى المشاهدين نبدأ على بركة الله الشوط التانى بعد استراحة دامت 9 شهور

لو قاعد فى الميدان هتلاقى الشرطة على يمينك و الشعب على شمالك

نفكركم بطقم الحكام مدرعة حكم الساحة و دبابتين حكام راية

واحد يقولى مبارك خرج الشوط الاول و نزل مكانه المشير اقوله فعلا

يا مسهل شكله شوط تانى سخن كل الامنيات الطيبة للشعب بالفوز واحراز ال3 نقاط

الجمعة، نوفمبر 25، 2011

مصباح علاء الدين

مرة واحد صعيدي لقى مصباح علاء الدين فقعد يدعك فيه العفريت جاله تسلخات

خطف الطيارات

واحد صعيدي سمع عن خطف الطيارات وقف قطر سوهاج و قاله اطلع على ليبيا و الا حنسف القطر

كلب و صاحبه

كلب بيقول لواحد صاحبه
هو
قاله هو
قاله هو
قاله هو
قاله هو هو
قاله لو سمحت ماتغيرش الموضوع

الخميس، نوفمبر 24، 2011

واحد فكر يتوب

مرة واحد كان متعود يسب الدين كتير و فكر يتوب فراح لشيخ قاله يا شيخ أنا بسب الدين كتير و عاوز أتوب قاله خلاص انت تقعد جنبي في الدرس و كل ما تسمع اسم الرسول تقول "عليه الصلاة و السلام" و لما تسمع اسم حد من الصحابة تقول "رضي الله عنه" .
و فعلاً قد في الدرس و كل ما يسمع قال الرسول يروح قايل "عليه الصلاة و السلام" و يسمع عن أبو بكر يروح قايل "رضي الله عنه" لحد ما جت حكاية فيها أبو جهل فراح قايل "رضي الله عنه" فالشيخ قاله ايه ياعم ده كافر , قاله "يلعن دين أمه"

حصة املاء

مدرس في حصة املاء, بيقول للطلبة
"ذهب محمد الى الحديقة يوم الأربعاء"
فواحد من الطلية وقف و قال : يا أستاذ هو الأربعاء همزة على السطر و الا على ألف
المدرس فكر شوية و قاله مشيها الخميس

ندل فتح شركة

واحد (ندل) فتح شركة بيبسي ، كتب على كل زجاجة ((رج جيدا قبل الفتح))

الأربعاء، نوفمبر 23، 2011

صرصارين

صرصارين دخلوا العناية المركزة
واحد قال للتاني بيرسول برده التاني قاله لا زنوبة بعيد عنك

بيحششوا عند الهرم

اتنين بيحششوا عند الهرم فواحد بيقول التاني تعرف ان الفراعنة قعدو سنين يبنو في الاهرامات التاني قالو يا راجل ليه كدةقالو كل ما يرصو حجرين يجي البوليس ياخدهم

كوبري قصر النيل

واحد واقف فوق كوبري قصر النيل وعمال يقول 32 , 32 , 32 ,.... فواحد سألو ايه 32 دي قالو بص كدة من فوق الكوبري اول ما بص راح زقو وقال 33

الثلاثاء، نوفمبر 22، 2011

نام بالشقلوب

واحد نام بالشقلوب صحى لقى رجليه معمصة

تلاتة بيحششوا

تلاتة بيحششوا واحد قال لهم لو البوليس جه دلوقتى نعمل ايه ,واحد قال انا هاعمل نفسى سيجارة مرمية على الارض, والتانى قال انا هاعمل نفسى سيجارة مرمية على الطفاية, والتالت قال انا هاعمل نفسي سيجارة مرمية من الشباك ,
لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

مساطيل راكبين عربية

اتنين مساطيل راكبين عربية خبطوا واحد..فالمسطول اللي سايق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

الاثنين، نوفمبر 21، 2011

مرور 25 سنه

واحده بتقول لجوزها ادبح خروفين بمناسبة مرور 25 سنه على جوازنا قالها طيب و إيه ذنب الخروفين في غلطه أنا ارتكبتها من 25 سنه

البستان

واحد قالو له الحق مراتك قاعدة مع صاحبك في البستان راح جاري ورجع على طول وقال لهم هم شجرتين عملتوهم بستان والراجل طلع لا صاحبي ولا اعرفو

اثنين أغبياء

اثنين أغبياء فى طياره معديه الأول قال إنها طياره الرئيس فقال الثاني إنها مش طياره الرئيس الأول والله دى طياره الرئيس الثاني لا مش طياره الرئيس فاتفقو أي حد معدى يسالوه فعدى واحد فسألوه دي طياره الرئيس فقالهم يا اغبياء طياره الرئيس بيمشي وراها موتوسكلات

الأحد، نوفمبر 20، 2011

عيلين صغيرين لقوا قطة

عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيهاالتاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلهاصاحبه قاله ماتت و أنت بتغسلها قاله لا ماتت و أنا بعصرها

كسلان أتحكم عليه بالإعدام

واحد كسلان أتحكم عليه بالإعدام بدفنه في حفرهفقالوا له نفسك في أيه قبل الموتق ال نفسي أشرب قالوا له قوم أشرب قال لسه حقوم اردم يا جدع

عملية في المخ

دكتور بيعمل عملية في مخ مريض وطلّع المخ وحطة في الصينية جنبه وشغال في الـجـمـجـمـة شوية ودخلت قطة وكلت المخ الدكتور احتار ملقاش غير جوز الجزمة حطها في الجـمـجـمـة وقفلوبعد كام سنة سأله واحد زميلة بيقول له أخبار مريضك بتاع الجزمة ايه ؟؟رد علية وقال له عقبال أملتك دا بقي الوزير بتاعنا

السبت، نوفمبر 19، 2011

واحد أخنف حظه وحش

واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال

... استنى شوية .. حاطنّنعك دنوأتي قاله نببنا يخننيك بسنعة .. قال لهو كمان بتتنيأ ؟؟؟

طب شوف مين حيطننعكّ

حشاشين راكبين عربية

اتنين حشاشين راكبين عربية الأولاني بيقول للتاني

ياعم خلي بالك حنخبط في عامود النور

ياعم خلي بالك حتودينا في داهية

ياعم حاسب بس لنتعور

ياعم حاسب....

في المستشفى الأولاني بيقول للتاني

شفت ياعم مش عمال أقولك حاسب حنتعور

قام التاني قاله ما أنا عمال أقولك انت اللي سايق

محل فول و طعمية

واحد أهبل و واحد أحول فتحوا محل فول و طعمية الأحول يعمل الطعمية و يرميها برة الطاسة الأهبل يقول تششششششش

الجمعة، نوفمبر 18، 2011

صعيدي نزل الترعة

مرة واحد صعيدي نزل الترعة البلهاريسيا حللت

واحد بيسأل واحد

واحد بيسأل واحد بيقوله شايف الزنحلونة اللي في البلكونة

قاله يعني ايه بلكونة؟

وحش بشنب

وحش بشنب قابل وحش من غير شنب, قاله تيجي ندحرج الزتونة على اللمونة ؟ قاله ليه هو انت فاكرني سندوتش جبنة رومي ؟ قام التاني قشر برتقانة و مشي

الخميس، نوفمبر 17، 2011

واحد صعيدي بيدهن

واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس

خربتى الخروجه


شاب لبس واتشيك بيقول لامه انا نازل عايزة حاجة قالتله روح يابني ربنا يبعد عنك النسوان والخمرة والحشيش قالها: بس بس يخرب بيتك بوظتي الخروجة

واحد أحول

واحد أحول جه يعيط رجع

واحد صعيدي مات

واحد صعيدي مات جاله خمس ملايكة اتنين يحاسبوه و تلاتة يفهموه

واحد صعيدي ماشي

واحد صعيدي ماشي في الشارع لقى قشرة موز ... قال ييييه حتزحلق تاني

الأربعاء، نوفمبر 16، 2011

واحد صعيدي عاوز

واحد صعيدي عاوز يقتل مراته حطيلها مسدس في الشوربة

واحد سكران

واحد سكران فتح التلاجة لقي الجيلي بيترعش .. قاله ماتخفش حاخد عصير

واحد سوداني اتجوز

واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل

واحد مسطول لابس

واحد مسطول جاي لابس جزمة سودة و جزمة بيضة ..

صاحبه بيقوله ايه ياعم الشياكة دي...

قاله ايه رأيك عندي جوز زي ده بالضبط في البيت

واحد صعيدي حب

واحد صعيدي حب يعمل روش كتب على الشومة أديداس

الثلاثاء، نوفمبر 15، 2011

كلاب صيد

مرة اثنين عندهم كلاب صيد صاحب الكلب الأول أول ما يضرب طلقة من البندقية يجرى الكلب و يروح يجيب الفريسة و الثاني أول ما يضرب الطلقة كلبه يكّسف فنصحه صاحبة انه يروح أفراح في الأرياف، فالكلب هيتعود على صوت الرصاص راح الأرياف وفضل يحضر في أفراح لمدة 6 شهوروبعدين رجع يصطاد، راح ضارب طلقة من البندقية راح الكلب وقف على رجله وقعد يزغرد

سكران بيعاكس وحدة

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكرانراح قايل لها طب أنا سكران حفوق بكرة .. وانتي ؟؟؟؟؟

واحد داست عليه

واحد داست عليه عربية سيات مات م الضحك

كان فيه بطة

كان فيه بطة كل يوم تروح للبقال تقوله عندك سكر

يقولها لأ

اخر مرة قالها لو جيتي هنا تاني حأمسمر رجليكي المفرطحة دي في الأرض

تاني يوم راحت قالتله عندك مسامير ؟

قالها لأ

قالتله طب عندك سكر ؟؟

واحد بيقول لمراته

واحد بيقول لمراته عاوز النهاردة حاجة رومانسية

قالتله يعني ايه رومانسية

قاللها مش عارف بس احتياطي انقعي الرز

واحد راح جنينة الحيوانات

واحد راح جنينة الحيوانات حط دماغه جوة قفص الأسد..

الحارس قاله ايه ده يا مجنون

قاله خلاص ياعم احنا حناكله

إنترفيووو

لبنانيه وسودانيه قدموا على وظيفة سكرتيره قال لهم المدير: انا ميهيمينيش الجمال!! واهم حاجه عندي الثقافه فسأل اللبنانيه: ماهي بلد المليون شهيد؟ قالت الجزائر قالها: صح مظبوط فسأل السودانيه: قوليلي انتي بقى اسماء المليون شهيد

الاثنين، نوفمبر 14، 2011

ديناصور بيقول لديناصورة

ديناصور بيقول لديناصورة هاتي بوسة

قالتله لأ

قاللها عشان كده احنا انقرضنا

ليه السودانيين؟

ليه السودانيين ايديهم بيضا من جوا ؟؟

عشان كانوا ساندين على الحيطة و هما بيرشوهم

واحد اشترى موبايل

واحد اشترى موبايل و عاوز يعمل لمراته مفاجأة... فدخل الحمام و أخده معاه و اتصل بيها و

قالها .. ألو يا حبيبيتي ثواني و أكون معاكي

قالتله لأ ماتجيش دلوقتي جوزي في الحمام

الأحد، نوفمبر 13، 2011

واحد بيقول لشيخ

واحد بيقول لشيخ هو ينفع الصلاة من غير وضوء

قاله لأ ماينفعش طبعاً

قاله ايه رأيك جربت امبارح و نفع

فيل اتجوز

فيل اتجوز فرخة خلفوا تشيكن فيليه

صعيدي رجع من السفر

واحد صعيدي رجع من السفر لقى البيت مليان صراصير غير كالون البيت

واحد أعمى

واحد أعمى فتح من الفرحة اتشل

حلاق راح السينما

حلاق راح السينما شاف فيلم سوالف النينجا

مسطول ماشي في البيت

واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين

السبت، نوفمبر 12، 2011

واحد بخيل قوي

واحد بخيل قوي بيموت بيسأل و لاده , فين أحمد ؟ قالوله هنا .. قالهم فين محمد قالوله هنا ؟؟ قالهم فين أمكم؟؟؟ قالوله هنا .. قالهم كلكم هنا و سايبين نور الصالة والع يا ولاد الكلب

الجمعة، نوفمبر 11، 2011

سمعت آخر قرار من الحكومه؟

ست عجوزه ركبت ميكروباص وكان في شوية شباب بيهيسو
واحد لصاحبه: سمعت آخر قرار من الحكومه؟
رد عليه: لا خير إن شاء الله
قال: عايزين يجوزوا كل العواجيز لشباب صغيرين وحلوين.
رد عليه: لا مستحيل الكلام ده مش هيحصل!!!
نطتلهم الست العجوزه وقالتهم:
هو بمزاج اهلك؟؟ .. ده قرار حكومه

الأربعاء، نوفمبر 09، 2011

كيف بدأ الخلق

بنت صغيرة بتسأل ابوها : بابا كيف بدأ الخلق؟
جاوبها: الله خلق آدم وحواء وتزوجوا وجابوا أولاد وبنات وبدأت قصة الخلق..
راحت سـألت أمها نفس السؤال ردت عليها: الانسان أصله قرد وتطور وصار يشبه الإنسان..
رجعت لأبوها: بابا ليه بتعلمني غلط؟ ماما بتقول الانسان اصله قرد..
قال: حبيبتي أنا بحكيلك عن أهلي

مسج لخطيبها

واحدة بعتت مسج لخطيبها :
 حبيبي اذا كنت نايم ابعثلي حلمك
واذا كنت تبكي ابعثلي دموعك 
واذا كنت تضحك ابعثلي ضحكتك 

رد عليها :
حبيبتي أنا في التواليت ابعتلك إيه؟؟



البنات يدخلوا الجيش



يعنى إيه البنات يدخلوا الجيش ؟-
يعنى:
1- تلاقى في الدبابة و المدرعة: دباديب
2- برضه حتركن الدبابة جنب الرصيف بنص متر
3- تلاقيها لازقه عالسلاح بتاعها تويتى وميكى ومينى و معلقة في دلاية دبدوب
4- لبس التجنيد أحمر و هوت بينك
5- تلاقي المجندة ماشية بالدبابة و مشغلة أغانى
6- بدلة الجيش لن تكون موحدة، فالمصرية تحب التميز : فستجد الورود و الترتر و الشراشيب

الصعيدى بيعمل ايه بعد ما يستحمى ؟
بيقلع هدومه المبلولة

الاثنين، نوفمبر 07، 2011

منوعات العيد

واحد صعيدي روحه بتطلع الشيخ قاله
قول الشهادة بسرعة
قالوا (دبلوم صنايع)

اثنين سكرانين واحد سال:لما البنزين يخلص من الولاعه اعمل ايه؟ قال الثاني:انزل و ذقها!!!

واحد فات على اوضة كلها حشاشين قالهم: حرام عليكم قالولو: وعليكم الحرام

واحدة بتقول لجوزها إيه أكتر حاجة عجباك فيا : جسمى الرشيق ولا شكلى الحلو
ولا شعري الناعم
قالها
لا خيالك الواسع

الأحد، نوفمبر 06، 2011

كمان مرة خروف العيد


 اصدر الخرفان العديد من البيانات ومنها بيان ائتلاف (خرفان من أجل الحياة) وجاء البيان كالتالي:
 قرر السيد / ضانى أبو ليه المنسق العام لائتلاف (خرفان من أجل الحياة) والعضو المؤسس لتحالف (مش عشان أنا بلية .. تكلونى بالطريقة دية)، عمل مليونية فى ميدان صوفى بالتنسيق مع ائتلافات (القرن الديمقراطى)، (وخرفان إلى الأبد)، وحزب (نحو مدبح مدنى)، للتنديد بالمجزرة المزمع عملها أول وثانى وثالث أيام العيد، على أن يقوم ائتلاف (عاملنى بالمعروف.. ولا عشان أنا خروف) بالإجراءات الأمنية وحماية الميدان من أى جاموس أو بقر "مندس".

حملة الخرفان بعنوان "خليك نباتي وأنقذ حياتي" تدعو وتستعطف الشعب المصري لخروج الخرفان سالمين في هذا العيد. 

كل سنة وأنتم طيبين.. وعيد أضحي مبارك بدون "مبارك".

العيد، وكمان مرة العيد، يعنى: الكندوز والضانى، يعنى: اللحمة "هبر" فى صوانى، يعنى: الكبدة بعون الله إسكندرانى، وسمعنى أحلى سلام "بودعك" لخروف العيد. 

خروف فرفور قبل مايدبح سألوه تتمنى إيه بعد ما نذبحك؟ قال تاكلونى بالراحة. 

واحد جه يدبح الخروف فلقى الخروف ميت من الضحك، قال له بتضحك على إيه؟ قال أصلك ماسك السكينة مقلوبة.

خروف العيد



معزة ذكية أبوها غصبها تتجوز خروف قالت له ماشى بس الدخله بعد العيد


تلاته شباب توتى خدوا معتهم خروف عشان يدبحوه يوم العيد فى الساحل إتأخروا فى الدبح لحد ما جاعوا 
وبعدين إبتدوا يبصوا لبعض و...
أول واحد قال أنا بخاف من السكاكين
والثانى قال أنا ما بحبش ريحة الدم
والثالث أنا مبحبش أشوف شكل اللحمة قبل ما تستوى
راح الخروف قال جوعتونا منكو لله والله ما طالع معاكو الساحل تانى


الخميس، نوفمبر 03، 2011

حكمة اليوم


اذا وجدت امراة جميلة وعاقلة وذكية ومتواضعة ومثقفة وحنونة وصبورة وملمة بأعمال البيت وليست مادية

فاعلم .... ... ان الحشيش اللي معاك أصلي !


الأحد، أكتوبر 30، 2011

حوار مصرى جدًا

يقال إن 87%من الشعب المصرى ساخطون على الحكومة المصرية - ما تعليقك؟
الـ13% الباقيين أكيد معاهم جنسيات أخرى.


هل لك أقارب استشهدوا فى الحرب؟
لأ.. عندى أقارب استشهدوا فى السلام.. "السلام 98" طبعاً.

ما وجه الشبه بين السد العالى وأمن الدولــة؟
الإثنان مصدر "للكهرباء"!!!

لماذا يطلق المصريون على زوجاتهم لقب "الحكومة"؟
لصعوبة تغييرها مهما تسببت فى كوارث.

أين يمكنك أن تلاحظ سوء نية المصريين؟
عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".

إمتى بتحس إن البلد حلوة؟
ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!

ما الفرق الأهم بين مصر وأمريكا؟
الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.

ما أهم قاعدة موجودة في مصر؟
إن مفيش قاعدة لأى حاجة.

بماذا ستجيب كمصرى عند سؤالك عن عمرك فيما أفنيته بعد عمر طويل؟
أفنيته فى إشارة قصر النيل مستنيها تفتح، وفى صلاح سالم مستنيه يتحرك، على كوبري أكتوبر مستنى لما رئيس الوزراء يروح بيته.

من المستفيد من الزحام الذى يسيطر على شوارع القاهرة؟
شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.

ما الفرق بين الزوجة المصرية والزوجة اللبنانية؟
40 كيلو جرام

السبت، أكتوبر 29، 2011

وجه الشبه


إيه وجه الشبه بين النجار اللي صباعه متعور والرقاصة الحامل ؟

الاتنين اصابة عمل

شارك في تنمية بلدك


البوس مفتاح الحب والحب مفتاح الجواز والجواز مفتاح الاطفال والاطفال مفتاح التنمية ابدأ بالبوس وشارك في تنمية بلدك

الجمعة، أكتوبر 28، 2011

صعيدي اتفاجئ


صعيدي اتفاجئ بعد زواجه باربع شهور ونص ان مراته ولدت

قالها : هاقتلك
قالتله : هفهمك
انا متجوزاك بقالى قد ايه ؟
... قالها 4 شهور ونص
قالت : وانته متجوزنى بقالك قد ايه؟
قالها 4 شهور ونص
قالت :يبقى المجموع كام 9شهور
قالها يابنت الايه كنت هظلمك

الأربعاء، أكتوبر 26، 2011

صعايدة تااااانى



صعيدى مسكوه مع شبكة إرهابية قالوا له إيه آخر عملية عملتها ؟
قال البواسير‎

سألوه ليه بتاخد الدواء قبل ميعاده ، قال علشان أفاجئ الجراثيم

حشاش سأل صيدلى : عندك شريط بنادول ؟ قاله : عندى قاله : حطه خلينا نسمع

من لم يمت بحد السيف مات بغيره، تعددت اﻷسباب والموت واحد وما طار طير وارتفع اﻻ وكما طار وقع
" كابتن طيار فى الخطوط الصعيدية " يعلن عن اقلاع طائرنه

صعيدى سألوه ايه أحلى صدفة بحياتك قال لهم أمى وأبوى تزوجوا فى نفس اليوم

صعايدة



صعيدى عمل باب زجاج
حط فيه عين سحرية

صعيدى ضحك نسى بقه مفتوح

صعيدى نزل محطة الرمل
رجله غرزت

صعيدى عايز نضارة بيسالوه للشمس
قالهم ليا

صعيدى بياكل لبانة حلف ماينام الا ماتخلص

واحد بيسال صعيدى فين محطة العتبة
قال له شفنى هنزل فين وانزل اللى قبلها

الثلاثاء، أكتوبر 25، 2011

توتي


شاب فرفور من الشباب السيكى ميكى دخل الجيش .. الظابط شافه وسأله اسمك ايه ؟ قاله : اسمي توتي .. قام الظابط ضربه على قفاه وقاله : بكره تجيني بإسم راجل .. تاني يوم بيسأله ها اسمك ايه ؟؟؟؟ قاله توتي الشرير

مدرس بيسأل الطلبة فى الفصل بتعملوا ايه اول ما تروحوا البيت ؟ الاول قاله انا بتفرج عالتلفزيون واروح لاحمد بتاع الحشيش ..التانى قاله انا بلعب كورة واروح لاحمد بتاع الحشيش ..التالت قاله انا بذاكر واصلى واقرا قرآن ،، المدرس فرح بيه قوى وخده بالحضن وقاله اسمك ايه ؟؟؟ قاله انا احمد بتاع الحشيش

الاثنين، أكتوبر 24، 2011

هااااااااااااااااااا


لو حسيت إن الدنيا ضلمة
إذكر الله.
لو حسيت إنها لسه ضلمة
قوم صلى ركعتين.
ولو حسيت إنها ضلمة
ما تستغباش وقوم ولع النور.

واحد بيعيط فى جنازة مراته
سألوه: بتحبها؟
قال: لأ بس سمعت إن البكا بيعذب الميت.

ثلاثة أندال بيتنافسوا مين أندل واحد فيهم.
لقيوا ست عجوزة ماشيه على عكاز.
الأول: خد العكاز منها فوقعت.
الثانى: خد العكاز وضربها بيه.
الثالث: قعد يضحك سألوه: بتضحك ليه؟
قالهم: أصل الست اللى انتوا بتضربوها دى تبقى أمى.

Nokia


واحده بتسأل شيخ: هى عدة المطلقة إيه؟
Nokia 73قال لها

مدرس بيقول لطالب أدخل إن فى جملة
قال له: إشتريت موبايل إن تمانين

السبت، أكتوبر 22، 2011

ليلى والثعلب

ذات يوم رأت الأميرة ليلى الثعلب خلف شجرة
فسألته : هل أنت الثعلب ؟
فقال لها نعم
ثم رأت الأميرة ليلى الثعلب خلف صخرة
فسألته : هل أنت الثعلب ؟
فقال لها نعم
ثم رأت الأميرة ليلى الثعلب داخل مغارة
فسألته : هل أنت الثعلب ؟
فقال لها : أيوة أنا الزفت أنا الهباب أنا الطين
أروح منٍك فين عشان أعمل حمام

أجمد رجالة



إتنين ماشيين في الشارع والدنيا بتمطر
عدت عربية بسرعة غرقتهم ومشيت
واحد قال للتانى : تعرف لو كان حصل معانا كده فى المهندسين
بقى كان السواق وقف
وخدنا بيته
و غير لنا هدومنا
و خلانا نبات عنده
وكان إدانا 100 دولار الصبح واحنا ماشيين كمان
التانى قاله : بتتكلم بجد والله ؟
قاله آه والله حصلت مع مراتى

الثلاثاء، أكتوبر 18، 2011

حكمة ربنا


هو ليه فى سندباد و مفيش هندباد؟
مع ان فى جوز هند بس مفيش جوز سند!
و ليه فى شهرزاد و مفيش اسبوع زاد او نقص؟؟
و ليه فى باكستانى و مفيش باكستالت ولا رابع؟؟
اكيد ربنا له حكمة..

الانتخابات

صعيدى رشح نفسه فى الانتخابات كتب تحت صورته
و عسى ان تكرهوا شئ و هو خير لكم

الجمعة، أكتوبر 14، 2011

برافو برافو


مدرس سأل طلابه: حيوان بيزحف ببطء؟
محمد: السلحفاة
المدرس برافو والدك بيشتغل ايه؟
محمد: دكتور
المدرس شوفتوا اولاد الدكاترة اذكياء ازاى.

سأل سؤال تاني: طائر يبدأ بحرف الباء؟
سيف: البقرة
المدرس: قوم يا غبى والدك بيشتغل ايه؟
سيف: فى مباحث امن الدولة
المدرس : برافو برافو البقرة لو شدت حيلها هتطير


وقـــــــــف طــــــــــول الســـــــــــهرة يراقبـــــــــــــــها



وقـــــــــف طــــــــــول الســـــــــــهرة يراقبـــــــــــــــها

وهي تنتظر مبادرته

وفجأة تقدّم منها وقال : هل سترقصين ؟

أجابت بخجل شديد : نعم

فابتسم وقال : كويّس علشان آخد الكرسي بتاعـــــك

الأربعاء، أكتوبر 05، 2011

منوعـــــــــات



فى ميعاد اختبار المجانين رسم الدكتور باب مقفول على الحيط واحد شاطه والتانى بطحه
وضحك الاخير فظن الدكتور أنه خف فسألة عما يضحكه
فقال له المجنون:المفتاح فى جيبى

سالوا بنت دلوعه يعني ايه عزاء؟
قالتلهم يعني بارتي حزين بيوزعوا فيه قهوه دايت


كسلان دخل الامتحان وقع منه القلم ..‏سلم الورقة


صعيدى قاعد على الشط شاف واحد بيغرق كل مايرفع ايده
يقوله: وعليكم السلام!!!!

الاثنين، أكتوبر 03، 2011

خطيبته اللى رخمة اوي

مره واحد راح لخطيبته اللى رخمة اووووي علشان يخرجها ,
فقالها انزلى ياحبببتى ؟
قالتله مش نازله إلا لما الدنيا تمطر !!
فقام رايح جايب خرطوم المطافى ورش حولين الشباك بتاع اوضتها !
وقالها انزلى يلا ,
قالتله مش نازله إلا لما تبرق !
قام جايب سلوك كهربا وملمسها ببعض وعمل صوت برق !
ورجع قالها مش هتنزلى يلا ,
.
راحت قالتله: انت عبيط ولا إيه فى حد يخرج فى الجو ده !!

ﺍﻧـﺎ ﻣــﺶ ﻫــﺘــﺠــﻮﺯ ﺑــﻨــﺘــﻜــﻢ


بــنــت حــمــلت مــن صــاحــبــهــا
ﺍﻫــﻠــﻬــﺎ ﻗــﺮﺭﻭا ﻳــﻘــﺘــﻠــﻮﻫــﺎ
ﺻﺎﺣـﺒﻬـﺎ ﺭﺍﺡ ﻟﻬـﻢ ﺍﻟـﺒـﻴـﺖ ﻭﻗــﺎﻝ لاﺑـﻮﻫـﺎ :

ﺍﻧـﺎ ﻣــﺶ ﻫــﺘــﺠــﻮﺯ ﺑــﻨــﺘــﻜــﻢ
ﺑــﺲ ﻟـﻮ ﺟــﺎﺑــﺖ ﻭﻟــﺪ ﻫـﻜــﺘـﺐ ﻟــﻬــﺎ ﻋــﺮﺑــﻴــﻪ
ﻭفــﻴــــلا ﻭ ﺧــﻤــﺲ ﺍﺭﺍﺿــﻲ

ﻭﻟــﻮ ﺟــﺎﺑــﺖ ﺑــﻨــﺖ ﻫــﻜــﺘــﺐ ﻟــﻬــﺎ ﺑــﺮﺝ ﻭ ﻓــﻴــلا
ﺑــﺲ ﻟــﻮ ﻃــﻠــﻊ ﺍﻟــﺤــﻤــﻞ ﻛـﺎﺫﺏ؟

ﻗــﺎﻝ ﺍﺑــﻮ ﺍﻟــﺒـﻨــﺖ : ﺗــﺤــﺎﻭﻝ ﻣــﺮﻩ ﺛـﺎﻧــﻴــﺔ ﻳـﺎﺑــﻨـﻰ


الأربعاء، سبتمبر 28، 2011

انا في مشوار ياحبيبتي


الزوجة (في الموبايل) :انتا فين ؟!
الزوج : انا في مشوار ياحبيبتي
الزوجة : في انهي داهية يعني ؟!
الزوج : فاكرة الجواهرجي اللي شوفتي عنده عقد وعجبك وقولتيلي حموت واجيبه
الزوجة : ايوة ياحبيبي
الزوج : فاكرة لما قولتلك حجيبهولك بس معييش فلوس دلوقتي
الزوجة : ايوة ياحياتي .. فاكرة

الزوج : انا قاعد دلوقتي مع صحابي في القهوة اللي في وشه

الاثنين، سبتمبر 19، 2011

مبفكرش فى أي ست



واحد بيقول لمراته: من ساعة متجوزتك مبفكرش فى أي ست، قالها: للدرجة دى بتحبني؟ قاللها: لأ، للدرجة دى انت كرهتنيي فى الستات، الله يخرب بيتك إنتى وكل الستات.

    الأحد، سبتمبر 18، 2011

    بعد ما مراته مسحت المكياج


    واحد ليلة دخلته بعد ما مراته مسحت المكياج
    اتصل بصاحبه وقاله

    .

    أسلى السلعوه ازاى يا شريف ؟؟


    الأربعاء، أغسطس 31، 2011

    والله أنا بريئة

    مرة عجوزة متهمة فى جريمة قتل قالت
    والله أنا بريئة صدقوني؟؟؟؟
    فرد عليها القاضي بذكاء :
    .لكن مواصفات القاتلة كلها تنطبق عليك : بنت جميلة رشيقة وجذابة

    العجوزة اتكسفت ونزلت راسها لتحت وقالت :
    والله ما كنت ناوية اقتله

    الثلاثاء، أغسطس 30، 2011

    يوم ما رحت لافريقيا


    واحد فشار قاعد بيفشر على واحد صاحبه

    قال : تصدق اني يوم ما رحت لافريقيا كنت ساكن فى فندق فى وسط الغابه
    فتحت الشباك لقيت المناظر حلوه
    قلت لمراتي البسي نطلع نتمشى بالغابه لبست (فى دقيقتين) ونزلنا
    و احنا بنتمشى طلعلنا نمر عاووز ياكلنا

    جريت عليه واديته شلوط وموته
    ثواني وطلعلنا 5 نمور طلعو صحاب النمر اللي قتلته عاوزين ينتقمو مني
    بوكس بوكس فى شالوت عالماشي حصلوا صاحبهم

    الراجل التانى وقع من الضحك
    قاله الفشار : ايه  يا عم مالك ؟.

    قاله: يحرقك ده انت كداب كدب ... مراتك لبست فى دقيقتين بس؟ !

    مراتي مش بتسمع كويس


    مره واحد راح للدكتور قاله انا حاسس ان مراتي مش بتسمع كويس ؟
    .

    الدكتور قاله كلمها على بعد 5 متر لو مسمعتش تبقى فعلا سمعها تقيل
    راح دخل من باب شقته وهي في المطبخ , قال هجرب دلوقتي
    قالها حبيبتي عامله أكل ايه النهاردة ؟؟ مردتش
    قال أقرب متر و قالها حبيببي عامله أكل أيه النهاردة ؟ مردتش !
    وقرب متر تاني , مردتش برضة !
    لحد ما بقي بينه و بينها 30 سم ! قالها حبيبتي عامله أكل ايه ؟
    قالتله دي خامس مره اقولك صينية بطاطس بالفراخ

    الاثنين، أغسطس 22، 2011

    بربع جنيه جبنة


    مرة واحد بخيل بعت إبنه عند اللبان وقاله هات بربع جنيه جبنة، اللبان قاله روح قول لأبوك تعالى إلحس السكينة

    الأحد، أغسطس 14، 2011

    حلال

    واحد محشش شاف شيخ في المستشفى قاله : مالك يا شيخنا ؟

    قال الشيخ : أبدا ، بس جاي أحلل السكر

    رد المحشش:يا شيخ السكر حلال من زمان ،حاول تحلل لنا الحشيش

    شكر خاص لإسلام الخياط

    الثلاثاء، أغسطس 09، 2011

    ستات



    اتنين ستات اتسجنوا 25 سنة مع بعض، أول ما طلعوا واحدة قالت للتانية لما اروح هاتصل بيكي عشان نكمل كلامنا

    الجمعة، أغسطس 05، 2011

    رمضانيـــــات


    دا أول رمضان و تم إعلان ذلك في الصعيد
    حيث شوهد الهلال علي إحدي سيارات الآسعاف


    محشش بيعزم أصحابه فى رمضان :
    إتفضلوا على الفطار
    بكره الصبح
    الساعة 12 الظهر،
    يوم الاحد بعد صلاة الجمعة


    دعاء مسطول:
    يا رب اجعل رمضان زي كأس العالم
    كل اربعة سنين مرة
    وكل مرة في بلد







    الاثنين، أغسطس 01، 2011

    عيب عليك

    واحد بيقول لجاره: يا أخي عيب عليك امبارح عمال تبوس مراتك في البلكونة، قام رد عليه وقاله: لا والله ما انا.

    الخميس، يوليو 28، 2011

    واحد وصاحبه محششين


    بيقولك مــحـــشـش بـسـال صاحـبه
    يعني ايه كلمه why  بالعربي 
    رد صحبه قاله ( ليــه )
    رد المحشش : لا ولا حاجه انا بس بسأل


    اتنين محششين واحد بيقول للتاني تعرف مش انا حصلتلي حادثة يوم الجمعة و العربية دهستني و راسي اتقطعت و رحت صيدلية النور و لزقولي راسي من تاني
    التاني قاله يا كداااااااااب صيدلية النور بتقفل الجمعة

    الأربعاء، يوليو 27، 2011

    خلاص دفعتلك

    واحد راكب الاتوبيس فعدى الكمسري قاله تذاكر قاله مش معايا فلوس ... الكمسري ضربه على أفاه وقاله خلاص مش مهم
    فقاله : طيب اضربني أفة تاني ... الكمسري ضربه

    راح نادى على صاحبه وقاله : حسنين متدفعش خلاص دفعتلك

    واحد كفتة

    واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح ... قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

    الثلاثاء، يوليو 26، 2011

    إتنين من أبو خمسة وعشرين

    احد اخذ مامته عند الدكتور النفسانى فالدكتور قاله امك تعانى من الوحدة ولازم تتجوز واحد عنده 50 سنة لما خرجوا من العيادة 
    مامته قالتله لو مالقتش واحد عنده 50سنة هات اتنين من ابو25

    الخميس، يوليو 21، 2011

    قذافيات برضه



    الــقـذافــي : من صــآم ثلآثين يومآً من رمضــــآن

    فــكأنـــــه صـــآم رمضآن كــلـــه

    شريط تامر


    محشش اشتري شريط تامر .. وطلع الشريط بايظ ..حطو ف الكاسيت وشوية الاغنية ابتدت تقطع اتغاظ المحشش وراح باصص للكاسيت وقال ! ! !

    .
     تامر وحياة ابوك لومش حافظ الاغنية خليك ساكت

    اتنين صعايده

    مره اتنين فلاحين قاعدين على المقطم وماسكين صنانير وبيصطادو شافهم واحد قعد يضحك وقال احنا ظلمنا الصعايده ما الفلاحين اهم بيعملو ايه
    نفس الوقت معدى اتنين صعايده شافو المنظر راحو قالعين الهدوم
    وناطين من على المقطم.



    مبوصلش فرافير


    سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية
     قالة انا الفرفور الاحمر و عايز توصلنى فقالة لا مبوصلش فرافير
    و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى
    فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية
    فالسواق سابة و مشى شو ية كمان كدة
     و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

    الثلاثاء، يوليو 19، 2011

    الفرق بين الزوجة المصرية و الزوجة الأجنبية


    ايه الفرق بين الزوجة المصرية و الزوجة الأجنبية عند خروج زوجها لعمله . . . . .... الزوجة الأجنبية : ربنا معاك و KISS . . . . الزوجة المصرية : ربنا معاك و KISS الزباله خدوا فى طريقك

    الاثنين، يوليو 18، 2011

    صعايدة من زمان


    جماعه صعايدة قاعدين بيمصوا قصب لما حبو يقوموا
    ملقيوش الشوم بتاعهم
     
     
    صـعـيـدي بيـجري ورا حـرامـي
    سبـقـه

    الأحد، يوليو 10، 2011

    بخيل

    واحد بخيل قال لولاده اللي مش هايتعشى هاياخد جنيه..العيال خدوا الجنيهات وناموا من غير عشا..سرق منهم الفلوس وهم نايمين..والصبح قال اللي ضيع الجنيه مالوش فطار

    السبت، يوليو 02، 2011

    قصـة مؤثــرة جـدا

    قصـة مؤثــرة جـدا

    ﺫﻫﺐ ﺃﺣﺪ ﺍﻷﻃﻔﺎﻝ ﺇﻟﻰ ﺃﻣﻪ ﻭﻗﺎﻝ ﻟﻬﺎ :

    ﻣﺎﻣﺎ ﻣﺎﻣﺎ .. ﺃﻋﻄﻴﻨﻲ ﻧﻘﻮﺩﺍ ﺣﺘﻰ ﺃﻋﻄﻴﻬﺎ ﻟﺮﺟﻞ ﻣﺴﻜﻴﻦ ﻳﺼﺮﺥ ﻓﻲ

    ﺍﻟﺸﺎﺭﻉ

    ﻓﺮﺣﺖ ﺍﻷﻡ ﻟﻘﻠﺐ ﻃﻔﻠﻬﺎ ﺍﻟﻄﻴﺐ ﻭﺃﻋﻄﺘﻪ ﺍﻟﻨﻘﻮﺩ ، ﺛﻢ ﺳﺄﻟﺘﻪ

    ﻭﻟﻤﺎﺫﺍ ﻳﺼﺮﺥ ﻫﺬﺍ ﺍﻟﺮﺟﻞ ﻳﺎ ﻭﻟﺪﻱ ؟






    :ﻗﺎﻝ ﺍﻟﻄﻔﻞ : قاعد ینادي .. ﺁﻳﺲ ﻛﺮﻳﻢ … ﺁﻳﺲ ﻛﺮﻳﻢ