Wednesday, December 24, 2008

يتحرش بها

إتصلت سيدة بالشرطة لتشكو ابن الجيران الذي يتحرش بها .
جاء الشرطي ليتأكد من البلاغ :
ــ ايه يا ستي المشكلة ؟
ــ ابن الجيران يا باشا بيطلع لي عريان كل ما اطلع انشر الغسيل فوق السطوح .
فصعد معها فوق السطح ليعاين بنفسه .
ــ فين يا ستي ؟
ــ اطلع فوق البرميل ده يا باشا وبعدين بص في الخرم اللي في الحيطة ده وانت تشوف سفالته !

 

شكراً لأشرف حمدى

Wednesday, December 17, 2008

صدى الصوت

واحد انجليزي وواحد فرنساوي وواحد صيني راحوا يجربوا صدى الصوت
الانجليزي قال هاللو فرد عليه صدى الصوت و قال: هالوووو هالوووو هالوووو
الفرنساوى قال بنجور رد عليه صدى الصوت و قال: بنجوووور بنجوووور بنجوووور
الصينى قال شونجا كونجا هونجاهى فرد عليه صدى الصوت و قال: ايييييييه ايييييييه ايييييييه

Wednesday, December 10, 2008

نكت مش سخيفة أوى

 
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو


عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!


اتنين محششين بيتفرجو على ماتش فالمزيع بيقول 'دربكه فى  الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه

 
اتنين مساطيل طالعين في الأسانسير واحد بيقول للتانى 'هو الاسانسير بطىء كده ليه؟' قاله 'يمكن طالع على السلم'


محشش قالو له ايه رأيك في الزواج المبكر قال يعني الساعه كام


نمله ماتت على الشط فبيسألو مسطول تعتقد ليه ماتت؟ قال ضحايا تايتنك 

 
خروف بيسأل خروف 'مر عيدين ومذبوحكش ليه؟' قال اصل انا متسجل في شهاده الميلاد حمار


مره صرصار طلع من الخلاط قال يخرب بيت إللى يدخل الملاهى تانى


حمار شاف حصان قال اخ لو اني مخلص الثانوية


حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى


مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما 'بكون واقف فى المحل مع ابويا ينابيع يا ابويا يبيع'

واحد راح مطعم في فرنسا.... كان عايز يطلب شوربه قال للجرسون ( جارسوه عايز واحد شوربوه)
فالجرسون قاله باردون؟
قال الراجل لا سوخنو

Tuesday, November 11, 2008

المؤامرة انكشفت

طلعت مصطفى إتصل بالريس و صرخ فيه: يا ريس أنا من رجالتك....

.كدة برضه تتخلى عنى؟؟؟ و تسيبنى أتبهدل بالشكل دة:.....؟؟؟؟

الريس رد : و هية دى سوزان اللى إتفقنا عليها يا حمار....؟؟
من Himaz

Thursday, October 23, 2008

بياع القطر

فكرتني ببياع في القطر لما كنت باركبه ايام الكلية
بيقول ايه ؟
صلى على رسول الله
لا بنشحت و لا بنقول لله
معايا اللبان و اللي ما بانش
معايا اللباس و اللي ما باسش
معايا أستك ياباني تمطه يرجع لك تاني
معايا فلاية تطلع لك القملاية و تقولك دكر و لا نتاية
معايا طبق صيني ما ينكسرش
اللي يكسر واحد أطلع له ربع جنيه
اللي يكسر اتنين اطلع له نص جنيه
اللي يكسر التالت اطلع تلاتة ديك امه

Wednesday, October 22, 2008

صحفي في مستشفي المجانين

الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟
شكراً لمحمد نور

Monday, September 15, 2008

مقاول مصرى

تم طرح مناقصة لصيانة سور البيت الابيض

تقدم 3مقاولين امريكاني و مكسيكي و مصرى للمناقصة

الامريكاني اخد مقاسات السور و تقدم بسعر 900 دولار

سأله مسئول البيت الابيض: ليه 900 دولار

قال : 400 دولار خامات+ 400 دولار عمالة و 100 دولار مكسب

و المكسيكي اخد مقاسات السور و تقدم ب 700 دولار للمناقصة

لما سأله قال: 300 دولار خامات+ 300 دولار عمالة و 100 دولار مكسب

أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة

المسئول رد علية و قالة: لية يا عم كل دة

رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700

عدنا

مرة واحد بلدياتنا ركب تاكسى وقال للسواق عايز أروح كوكب تانى ، السواق وداه الصحرا ، الراجل بلدياتنا شاف وخلوق فضائى بلدياتنا قاله ايه اللى جابك هنا المخلوق الفضائى قاله و انت ايه اللى جابك هنا أنا حران من الشمس الراجل بلدياتنا قاله وأنا هريدى من الأرض
....................

بلدياتنا سافر يشتغل في الخليج وغاب خمس سنين و لما رجع بلدهم لقى أهل البلد بيحتفلوا بسبوع ابنه ففرح وقال موجودين بنخلف مش موجدين بنخلف
....................

تاجر مخدرات حصلت عليه كبسه شرطة فرمى المخدرات في عشة فراخ وجري تاني يوم بيدور على المخدرات في العشة فوجد فرخه كلتها كلها فقعد يضرب فيها و بعدين قال لها والله لأنا مأدبك فنتف ريشها كله و راح رماها في عشة الديوك فاتلمت الديوك عليها فصرخت الفرخه فيهم .. بقول لكم إيـــــه ... أنا مخدرات مش آداب !
...................

Friday, August 22, 2008

عمل كل حاجة و نسي اهم حاجة


فيه واحد بلديتنا قرا حكايه ان واحده في امريكا قتلت جوزها والبوليس اكتشف الجريمه بعد 40 سنه لانها دفنت جثه زوجها فى غرفه النوم المهم اخونا عتريس قتل مراته ودفنها فى ارضيه الاوده وتانى يوم البوليس اكتشف الجريمه عارفين ليه مش عشان البوليس شاطر عشان عتريس كان ساكن فى الدور الخامس
شكراً لحازم أحد قراء مصراوي

Saturday, June 21, 2008

صعايدة

جورج قرداحي بيسأل واحد صعيدي ببقوله الحج فرض ولا سنه قاله هتصل بصديق أتصل
بهريدى صديقه وقاله الحج فرض ولا سنه هريدي قاله لا الحج قرعه .
-----
استضافوا
واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة .
-------
صعيدي فتح محل جواهرجى عمل أول يوم ببلاش .
----
صعيدي سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى
ماشى فرحان أوى ويقول موجودين بنخلف مش موجودين برضه بنخلف .
-----
صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب
------
صعيدي عايز يروح حفله تنكريه بعت أخوه .
-------
صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه .
-------
10 صعايده بيتعلموا ربط الكرافتة 6 ماتوا و 4 في حاله حرجه.

عريس عصبي

عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى

Sunday, April 27, 2008

حرامي متدين

واحد حرامي قرر يتوب سرق شريطين لعمرو خالد

Thursday, April 03, 2008

غلطة العمر

اتنين متجوزين من عشرين سنة .. قرروا يروحوا يصيفوا
ع البحر بنفس الفندق اللى قضوا فيه شهر العسل زمان
لكن الزوجة كانت مشغولة فاتفقت مع زوجها على إنه يسافر لوحده و هى
ها تحصله بعد يومين
وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت فقا م يبعت ايميل لزوجته يطمئنها فيه على أحواله
بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم .. الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها
نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم
أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك لعندى هنا بعد يومين
إشتقت لك كتير و مشتاق أشوفك و باتمنى تكون رحلة سريعة زى رحلتى
ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!!

Tuesday, April 01, 2008

بتتاجر فيه؟

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

Saturday, March 01, 2008

صعايدة

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

..............................

Tuesday, February 26, 2008

مشكلة عائليه

كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف

وأيقن انه لن يتمكن من الانتحار
بهدوء وتوقف الرجل مرتبك

وشاهد رجلا عجوزا يتقدم منه

وينهال عليه بعبارات التأنـيب ليأسه

من رحمة الله ومحاولته

الانتحار

ثم سأله :

مالذي يدفعك الى الانتحار يا رجل ؟

فقال :

مشكلة عائليه معقدة

فرد عليه العجوز

وهل توجد مشكلة دون حل ما هذه المشكلة ؟

وبدأ الرجل يروي قصته

قائلا :

تزوجت سيده ارمله ولها فتاه مراهقة وعندما بلغت الفتاه

سن الرشد رآها ابي

فاحبها وتزوجها فصرت صهرا لابي كما ان ابي اصبح في مقام

زوج ابنتي

واصبحت انا (حما) لابي لان زوجتي حماته

ثم انجبت زوجتي ولدا لي

فاصبح الولد سلف  ) ابي)

وبما ان ابني هو اخو زوجه ابي التي هي بمثابة

خالتي صار ابني يعد خالي

ايضا

وحدث ان وضعت زوجه ابي طفلا يعد اخي من ابي وفي

الوقت نفسه هو حفيدي

لانه حفيد زوجتي من ابنتها وبما ان زوجتي صارت جده

اخي فهي بالتالي

جدتي وانا حفيدها

وهكذا اصبحت انا زوج جدتي وحفيدها في الوقت ذاته

ونظرا الى انها جدة اخي فانا اصبحت ايضا جدا لاخي

وبناء عليه اكتشفت انني اصبحت جد نفسي او حفيد نفسي

لانني ......

وهنا قاطعه الرجل العجوز

قائلا : كفى... كفى...

وقام العجوز بدفعه للبحر قائلاً:

أبوك لأبو جدك لأبو إللي جابك

Sunday, February 10, 2008

سمك وطنى

يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تحيا حكومة جمهورية مصر العربية.