الأحد، ديسمبر 31، 2006

حكمة

قال الشاعر: ليس كل ما يذاكره الطالب يفهمه ...... وانما تأتي الامتحانات بما لا تحتوي الكتب

ولادة

واحد عصبى إتجوز واحده عصبيه الدكتور بيولد مراته..نزل الواد يقول للدكتور إبعد إنت أنا هانزل لوحدى

الجمعة، ديسمبر 22، 2006

واحد ماشى مع خطيبته


مرة واحد ماشى مع خطيبته واخر انسجام فقالها "عارفة اية هو الحب وايةالجواز؟ "
قالته: "لا"
قالها: "الحب زى النجوم الجميلة اللى "فى السماء
قالتله: "طبوالجواز؟"
قالها: "دى البلاعة اللى واحنا بنبص على النجوم بنقع فيها"

الخميس، ديسمبر 21، 2006

صرصار بيتفرج على التليفزيون

صرصار بيتفرج على التليفزيون لقى اعلان "ريد" قال أفلام رعب من أولها

الأحد، نوفمبر 26، 2006

اتنين مساطيل طينة

اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها..

الأحد، نوفمبر 19، 2006

إليسا وهيفاء ونانسي


إليسا وهيفاء وهبي ونانسي عجرم راكبين قطر
وبيكلموا عن فارس أحلامهم
إليسا قالت : نفسي أتجوز ضابط
هيفا قالت :نفسي أتجوز صيني
نانسي قالت :نفسي أتجوز لاعب كرة مشهور
سمعهم واحد متطفل
دخل عليهم وقالهم معاكوا العقيد شونج يونج الشهير بأبوتريكة

الخميس، نوفمبر 02، 2006

صعيدي كسب مليون جنيه

صعيدي كسب مليون جنيه خافوا يبلغوه يموت مصدوم قال العمده أنا أقوله.قال يا
محمدين لو ربحت مليون حتعمل بيهم إيه؟ قال:أديك نصهم.مات العمدة!

شركة عاملة انترفيو

كان في شركة عاملة انترفيو و اتقدم ناس كتير, فأول واحد دخل سألوه
حاجة بنلبسها في رجلنا و ليها رباط تبقى ايه ؟؟
سكت شوية و قالهم معرفش
قالوله الجزمة يا جزمة
الراجل خرج برة و قال للناس المستنيين حيسألوكم جوة سؤال حله الجزمة
شوية و واحد تاني دخل فسألوه
حاجة بنركبها و بتطير في الهوا و بتنزل في المطار تبقى ايه ؟؟
سكت شوية و قالهم: ليها رباط ؟
قالوله لأ
قالهم: تبقى شبشب

السبت، أكتوبر 14، 2006

قصة رعب

جرت أحداث هذه القصة في بلده صغيره قرب مدينة موسكو الروسية حتى ولو بدت أحداث هذه القصة كقصص الخيال لكنها حقيقية

هذا رجل كان واقفا على جانب الطريق ينتظر أن توصله سيارة عابرة
فهو يريد الذهاب للبلدة المجاورة في ليلة شديدة
الظلام في وسط العاصفة
الليل مر ببطء ولم تمر هذه السيارة عابره
مرت ساعات وساعات وهو واقف
كانت العاصفة شديدة والليل حالك
لم يكن يستطيع أن يرى مكان قدميه أخيرا وبعد طول انتظار
مرت سيارة تسير ببطء كأنها شبح
شبابيكها سوداء
خرجت من خلف الظلام وبلا أضواء
مرت ببطء متجهة إليه حتى توقفت أمامه
ركب الرجل داخل السيارة وأغلق الباب مبتسما
فجأة شاهد ما لم يتوقعه أبدا
لا يوجد سائق لهذه السيارة
السيارة بدأت تتحرك ببطء مرة أخرى
بدأ الرعب يدب في قلب الرجل
وبدأت السيارة تسرع قليلاً
اقتربت السيارة من منعطف خطير جدا
الرجل بدا يدعو ربه من اجل البقاء على قيد الحياة
لا محالة السيارة سوف تخرج عن الطريق وسوف يواجه الموت
فجاه قبل المنعطف بقليل دخلت يد من النافذة وأمسكت الدركسيون
وقادت السيارة عبر المنعطف بأمان
أصبح الرجل فرحا مع بقاء الخوف والرهبة في داخل قلبه
الرجل أصبح يرى اليد تدخل من النافذة عدة مرات كلما وصلوا إلى احد المنعطفات
وأخيرا
قرر الرجل الهروب من السيارة
ففتح باب السيارة وقفز منها ولاذ بالفرار
وذهب إلى اقرب بلده وكان مبتلا وفزعا
ذهب إلى احد البارات وبدأ يخبر قصته المخيفة والمرعبة للجميع
بعدما تأكدوا من هيئته انه غير سكران أو ناقص العقل
وكان الجميع ينصت للقصة في أثناء ذلك وبعد حوالي نصف ساعة دخل رجلان إلى نفس البار
وعندما شاهدوا الشخص المرعوب قال احدهما للآخر
مش هوا ده الأهبل اللي ركب العربية واحنا بنزقها!

ندل جاب كاسيت

واحد ندل جاب كاسيت ووقف قدام ملجأ أيتام وشغل أغنية بابا فين

الأحد، أكتوبر 08، 2006

صعيدي بيهشك إبنه

صعيدي بيهشك إبنه وقع طيارتين

صعيدي مع خطيبته في الكازينو

صعيدي مع خطيبته في الكازينو..أنقطعت الكهرباء..قالتله: يللى بقى إنتهز الفرصه....قام هرب من غير مايدفع الحساب 

السبت، سبتمبر 23، 2006

واحد ماشي على الصحراوي

مرة واحد ماشي على الصحراوي لقى يافطة مكتوب عليها
خفف 100 كم
فراح مخفف سرعته شوية و لقى يافطة
خفف 50 كم
راح مخفف شوية كمان و بعديها لقى يافطة تانية
خفف 10 كم
راح مخفف كمان و بعدين لقى يافطة
مرحباً بكم في خفف

التطور

صعيدي وامريكي الامريكى قال للصعيدي وصلتو فين بالتطور
الصعيدي رد وقال ياعم تطور ايه دا اححنا رجعنا لورا،
ثم سأل الصعيدي الامريكي انتو وصلتو فين بالتطور الامريكي قاله اححنا وصلنا بالتطور اذا القمر الصناعى عطل في السما نقدرنصلحه الصعيدي فكر شويةوقل يااااااااااااااه هو المفك بتاعكم طوله أد ايه

الاثنين، سبتمبر 18، 2006

امتحان فى علم الطيور

في طالب في الجامعة كان عنده مادة من المواد اللي بيدرسها مختصة بعالم الطيور
..ولما قرب امتحان المادة آخر السنة .. الطالب راجع وراجع لغاية ما طلعت
عينيه..
المهم.. دخل الامتحان وهوه واثق مليون فالميه إنه جاهز وينجح وبتفوق كمان..
المفاجأة إن الأستاذ قابلهم بسؤال واحد بس ..
السؤال كان عبارة عن صور لرجلين بعض الطيور..
والمطلوب معرفة أسماء الطيور من شكل رجليها بس...
صاحبنا إتعصب وضرب لخمه وكان هيعيط ومعرفش يحل السؤال.. راح قايم من الكرسي
وراح للأستاذ وراح مسلم ورقته فاضيه وقاله:
تفو عليك وعلي مادتك.. جاتك نيله انـته ومادتك..
جتك القرف..
رد عليه الإستاذ ببرود وقاله: اعتبر نفسك سائط في المادة يا بابا..
شويه كده.. لاحظ الإستاذ إن الطالب ما كتبش اسمه على ورقة الإجابه ..
قاله بنرفزه : أومال فين اسمك يا ولد ؟
قام عمنا رافع
بنطلونه لفوق لغاية روكبه
وقاله: ...
وحياة أمك لتيجي تعرف اسمي من شكل رجليه

الاثنين، سبتمبر 11، 2006

بلدياتنا إشتروا حصانين

إتنين بلدياتنا إشتروا حصانين وعاوزين يفرقوهم من بعض
راح الأولاني قطع ديله وقال لزميله أنت حصانك ديله مقطوع
قاله لا مش باينه راح شوية ورجع راح قاطع رجل حصان زميله وقال له
حصانك رجله مقطوعة
قال له لا مش باينه راح قاطع راسه ورجع قاله حصانك راسه مقطوعة
قاله لا مش كده
أكيد أوضح حاجه إن حصانك بني وحصاني أبيض

منطقة التجنيد

في منطقة التجنيد بيسألوا
اللي يعرف يقرا ييجي يمين واللي ما يعرفش ييجي شمال
بيفضل شوية في النص دول بيبقوا منايفة

السبت، سبتمبر 09، 2006

صعايدة بيلعبوا شطرنج

اتنين صعايدة بيلعبوا شطرنج, الأول كل للتاني الحصان, التاني سمله البهايم

الأربعاء، سبتمبر 06، 2006

الميكانيكي عزوز

مرة واحد اسمة عزوز راح اشتغل صبى عند ميكانيكى. وفى يوم قال لصاحب
الورشة انا اعرف رئيس الحى.... صاحب الورشة ماصدقش.. لكن بعد يومين فعلا مر
رئيس الحى قدام الورشة وسلم على عزوز سلام حار جدا... صاحب الورشة اعجب
بعزوز وشغله اسطى فى الورشة . وبعد يومين عزوز قال لصاحب الورشة انا
اعرف الوزير!! قال له : لا صعبة جدا وفعلا بعد يومين مر الوزير قدام الورشة
و سلم على عزوز ...صاحب الورشة اتجن وقال لعزوز يابنى انا حمسكك الورشة مكاني...
وبعد يومين قال عزوز لصاحب الورشة انا اعرف بوش
ولكن صاحب الورشة قال بلاش تفشر على ..عزوز قاله تعالى نسافر وانا اعرفك
وفعلا سافروا أمريكا ووقفوا قدام البيت الابيض وعزوز قال بص ع الشباك ده حطلع بعد شوية انا وبوش ونقول لك هاى وفعلا عزوز طلع هو وبوش...
صاحب الورشة اغمى عليه وراح المستشفى .. ولما فاق سألة عزوز: ليه اغمى عليك لما شفتنى انا وبوش ...
صاحب الورشة قال لاانا اغمى علي علشان وانت وبوش واقفين فى الشباك عدا من قدامى اثنين امريكان بيسألونى مين اللي واقف جنب عزوز ده؟؟

شيخ راح لجماعة منايفة

مرة شيخ راح لجماعة منايفة قالهم أنا حخطب الجمعة بس تغدوني , قالوله ماشي يا مولانا.
المهم أول اسبوع أول ما الصلاة تخلص الشيخ يبص ما يلاقيش ولا واحد في الجامع
الأسبوع اللي بعديه نفس الحكاية و استمر الموضوع كده لحد ما الشيخ قال أنا لازم أربيهم
الجمعة اللي بعديها في وسط الصلاة و هما راكعين راح الشيخ سايب الصلاة و مشي و سابهم راكعين و طلع أعد قدام الجامع ساعة لحد ما واحدة من الستات قلقت على جوزها و راحت تشوف لقت الشيخ فسألته فحكالها انهم كل اسبوع بعد الصلاة يهربوا منه عشان ما يأكلهوش
قالتله يا مولانا أنا حأكلك و أخليك تحلف بأكل أم محمد
الشيخ خلص أكل و راح راجع على الجامع مسك المكروفون و خبط خبطتين " أبو محمد سمع الله لمن حمد"

الاثنين، سبتمبر 04، 2006

واحد مسيحي راح للريس

مرة واحد مسيحي راح للريس, قاله يا ريس هو ممكن واحد مسيحي يبقى رئيس جمهورية , قاله و لا مسلم يا روح امك

مسطول بيسأل

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تبقى اسم عالم ذرة التاني قله غلب حماري آم الأول قله: الدولة هي قطر ولما تحط نقطة حتصير قطز أم التاني قاله هو قطز عالم ذرة؟؟؟؟؟فرد عليه الأول يعني هي قطر دولة أوروبية؟؟؟؟

الأحد، سبتمبر 03، 2006

تاكسجى نايم

واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى

ضايع

واحد صاحبنا نساي أوي المهم إنه كان في الحج وبيطوف قعد يطوف مرة وإتنين و... لفيت كام مره لفيت كام مرة مش مشكلة نعد من الأول
رميت كام جمرة رميت كام جمرة مش مشكلة نرمي من الأول
أما وصل مصر نزل م الطيارة
أنا متأكد إني نسيت حاجة
نسيت إيه يا جرجس نسيت إيه يا جرجس ........

سعودي طلعلو عفريت

واحد سعودي طلعلو عفريت قالو اتمنى امنية قالو انا عايز كوبري ما بين مصر والسعودية عشان كل ما اعوز اروح هناك يبقى سهل قاله يا عم شوف امنية سهلة كوبري ايه وبتاع قالو خلاص انا عايز ابقى ذكي اوي زي المصريين كدة قالو طيب تحب الكوبري رايح بس ولا رايح جاي

تايهين فى الصحرا


أتنين مسلمين محمد و إبراهيم تايهين فى الصحرا وجعانين فجاه لقو دير إبراهيم قال لمحمد أنا هأقول لهم إني اسمي جرجس ومحمد قال له لا يا عم .. أنا هاقول اسمي محمد فسألهم القسيس عن الاسم فقال إبراهيم اسمي جرجس ومحمد قال اسمي محمد فقال القسيس احضرو الطعام لمحمدو قولوا لجرجس نحن اليوم صائمون

السبت، سبتمبر 02، 2006

حشاشين مونونين

اتنين حشاشين دخلوا السينما و بدل ما يقعدوا جنب بعض قعدوا ورا بعض الحشاش اللي ورا ياخد نفس من السجارة و يروح مناولها للحشاش اللي قدامه و يقوله مساء الخيييير و قعدوا على كده لحد ما طب البوليس على السينما و مسك الحشاشين
الحشاش الأولاني راح السجن و الحشاش التاني فضل مهنج رافع ايده مستني السجارة راحوا حطينه في مستشفى المجانين
بعد خمس سنين طلع الحشاش الأولاني من السجن و قال لما أروح أزوره في المستشفى
راحله المستشفى لقاه لسة مهنج على نفس الوضع يخبطه ينغزه مفيش
راح جايله من وراه و ولع سجارة و ناولهاله و قاله مساء الخييير
قام التاني أخد منه السجارة و قاله ايه ياعم ساعة

نكتة لخبطة

حيوان خرافي بشنب قابل حيوان خرافي من غير شنب قاله تيجي نلعب مكرونة في الزبادي ؟ قاله ليه هو الزتون بيطرقع ؟ قام التاني فتح شمسيته و طار

الجمعة، سبتمبر 01، 2006

بيان هام

تم تغيير التحية الرسمية للعيد من عيد مبارك الى يا جمال العيد

صعيدى و مراته

واحد صعيدي مراته بتقوله قوللي حاجة حلوة

قاللها بسبوسة

قالتله لأ قوللي حاجة تهزني

قاللها مرجيحة

قالتله يا راجل قولي كلمة تحسسني ان انا مراتك

قالها انت طالق

الخميس، أغسطس 31، 2006

نكتة مصرية معدية

واحد ماشي في الشارع بيقول الله يخربيتك يا سمير

أمين شرطة ضربه على قفاه و قاله و كمان مش عارف اسم الريس يا ابن الكلب

مصرى و سعودى

سعودي بيسأل مصري ايش بتفطروا
قاله فول
قاله طب ايش بتتغدوا
قاله فول
قاله طب ايش بتتعشوا
قاله فول
قاله طب و ايش الفرق بينكم و بين البهايم
قاله البحر الأحمر

نكتة مصربة في السريع

واحد أحول حس بالبرد و هو نايم , قام غطى أخوه...